NCERT Class 6 Urdu Khayaal Chapter 04 Aab-e-Rawan PDF Download

سبق 4: آبِ رواں

اُچھلتا ہوا اور اُبلتا ہوا ۔۔۔ اکڑتا ہوا اور مچلتا ہوا
پہاڑوں پہ سر کو پٹکتا ہوا ۔۔۔ چٹانوں پہ دامن جھٹکتا ہوا
وہ پہلوئے ساحل دباتا ہوا ۔۔۔ یہ سبزے پہ چادر بچھاتا ہوا
وہ گاتا ہوا اور بجاتا ہوا ۔۔۔ یہ لہروں کو پیہم نچاتا ہوا
بپھرتا ہوا جوش کھاتا ہوا ۔۔۔ بگڑ کر وہ کَف منہ میں لاتا ہوا

وہ اُونچے سُروں میں تموّج کا راگ
وہ خود جوش میں آ کے لانا یہ جھاگ

[تصویر: پہاڑوں سے گرتا آبشار اور بہتی ندی، اپنی درسی کتاب میں دیکھیں]

وہ روئے زمیں کو چھُپاتا ہوا ۔۔۔ وہ خاکی کو سیمیں بناتا ہوا
گُل و خار یکساں سمجھتا ہوا ۔۔۔ ہر اک سے برابر اُلجھتا ہوا
بہاتا ہوا اور بہتا ہوا ۔۔۔ ہوا کے طمانچوں کو سہتا ہوا
بلندی سے گرتا گراتا ہوا ۔۔۔ نشیبوں میں پھرتا پھراتا ہوا
وہ کھیتوں میں راہیں کترتا ہوا ۔۔۔ زمینوں کو شاداب کرتا ہوا
یہ تھالوں کی گودوں کو بھرتا ہوا ۔۔۔ وہ دھرتی پہ احسان دھرتا ہوا
چمکتا ہوا اور جھلکتا ہوا ۔۔۔ سنبھلتا ہوا اور چھلکتا ہوا
ہواؤں سے موجیں لڑاتا ہوا ۔۔۔ حبابوں کی فوجیں بڑھاتا ہوا

یوں ہی الغرض ہے یہ پانی رواں
بس اب دیکھ لیں شاعرِ نکتہ داں

- اکبرؔ الہ آبادی

[تصویر: پھولوں اور گھاس کے کنارے بہتا پانی، اپنی درسی کتاب میں دیکھیں]

استاد کا نوٹ

الف) اس نظم کی ردیف 'ہوا' ہے اور تقریباً ہر مصرع اسی پر ختم ہوتا ہے: اُچھلتا ہوا، اُبلتا ہوا، مچلتا ہوا۔
ب) 'آبِ رواں' کا مطلب ہے بہتا ہوا پانی؛ شاعر نے پانی کو ایک جیتے جاگتے کردار کی طرح دکھایا ہے جو گاتا، بجاتا اور جوش کھاتا ہے۔
ج) یہ نظم اکبرؔ الہ آبادی کی ہے؛ 'گُل و خار' یعنی پھول اور کانٹا، 'نشیب' یعنی نیچی جگہ۔

لفظ و معنی

استاد کا نوٹ

الف) 'کف' اور 'جھاگ' ایک ہی چیز ہیں؛ دونوں لفظ نظم میں آئے ہیں۔
ب) 'خاکی کو سیمیں بنانا' کا مطلب ہے مٹی جیسی چیز کو چاندی جیسا چمکدار بنا دینا؛ 'سیم' چاندی کو کہتے ہیں۔
ج) 'پیہم' یعنی لگاتار؛ 'یہ لہروں کو پیہم نچاتا ہوا' میں اسی کا استعمال ہوا ہے۔