NCERT Class 3 Urdu Sitar Chapter 07 Dost Ki Pehchan PDF Download

سبق 7

برسات

وہ دیکھو اٹھی کالی کالی گھٹا
ہے چاروں طرف چھانے والی گھٹا
گھٹا کے جو آنے کی آہٹ ہوئی
ہوا میں بھی اک سنسناہٹ ہوئی
گھٹا آن کر مینہ جو برس گئی
تو بے جان مٹی میں جان آ گئی
زمین سبزے سے لہلہانے لگی
کسانوں کی محنت ٹھکانے لگی

جڑی بوٹیاں پیڑ آئے نکل
عجب بیل پتے ، عجب پھول پھل
ہر اک پیڑ کا اک نیا ڈھنگ ہے
ہر اک پھول کا اک نیا رنگ ہے
یہ دو دن میں کیا ماجرا ہو گیا
کہ جنگل کا جنگل ہرا ہو گیا
جہاں کل تھا میدان چٹیل پڑا
وہاں آج ہے گھاس کا بن پڑا
ہزاروں پھڑکنے لگے جانور
نکل آئے گویا کہ مٹی کے پر
(اسمعیل میرٹھی)

مشق

پڑھیے اور سمجھیے

سوچیے اور بتائیے

1. گھٹا کے آنے کا پتا کیسے چلتا ہے؟
2. برسات سے کسان کی محنت کیسے ٹھکانے لگتی ہے؟
3. بے جان مٹی میں جان کب آتی ہے؟
4. "ہر اک پیڑ کا ایک نیا ڈھنگ ہے" سے آپ کیا سمجھتے ہیں؟
5. برسات کے بعد جنگل کا حال کیسا ہو جاتا ہے؟
6. مٹی کے پر نکلنے کا کیا مطلب ہے؟

نیچے دیے ہوئے لفظوں کے اضتمد لکھیے

نیچے دیے گئے مصرعوں کو ترتیب سے لکھیے

ہر اک پھول کا اک نیا رنگ ہے ...............................
کسانوں کی محنت ٹھکانے لگی ...............................
زمین سبزے سے لہلہانے لگی ...............................
ہے چاروں طرف چھانے والی گھٹا ...............................
یہ دو دن میں کیا ماجرا ہو گیا ...............................
ہر اک پیڑ کا اک نیا ڈھنگ ہے ...............................
وہ دیکھو اٹھی کالی کالی گھٹا ...............................
کہ جنگل کا جنگل ہرا ہو گیا ...............................

بے جوڑ الفاظ پر دائرہ ◯ بنائیے

• شبنم، دھوپ، برسات، مینہ
• پتھر، ناک، کان، آنکھ
• سورج، آسمان، چاند، مکان
• اسکول، آنکھ، کاغذ، قلم
• شیر، کتاب، درخت، جنگل