NCERT Class 1 Urdu Shahnai Chapter 13 Sher Aur Machhar PDF Download

سبق 13 - شیر اور مچھّر

ایک شیر جنگل میں درخت کے نیچے سو رہا تھا۔ ایک مچھّر بھنبھناتا ہوا شیر کے پاس آ پہنچا۔ شیر کا خوٗن چوسنے کے لیے اس کے آس پاس منڈلانے لگا۔

مچھر کی آواز سے شیر کی آنکھ کھل گئی۔ اس نے مچھر سے کہا، "اے حقیر کیڑے! دور ہو جاؤ، میرے پاس نہ آؤ۔ تجھے معلوم نہیں میں جنگل کا بادشاہ ہوں۔"

مچھر نے کہا، "میں تم سے نہیں ڈرتا۔" مچھر کی یہ بات سن کر شیر کو غصہ آ گیا اور اس نے مچھر کو مارنے کے لیے اپنا پنجہ اٹھایا۔ مچھر جو کہ شیر کے گال پر بیٹھا تھا پنجہ دیکھتے ہی اڑ گیا۔ شیر کا زور دار پنجہ خود اس کے گال پر لگ گیا اور گال زخمی ہو گیا۔

[تصویر: درخت کے نیچے بیٹھا شیر اور اس کے پاس اڑتا مچھّر، درسی کتاب میں دیکھیں]

استاد کا نوٹ

الف) شیر خود کو جنگل کا بادشاہ کہہ کر مچھّر کو 'حقیر کیڑا' کہتا ہے۔
ب) مچھّر نہیں ڈرتا؛ شیر اسے مارنے کے لیے پنجہ اٹھاتا ہے تو مچھّر اڑ جاتا ہے۔
ج) شیر کا اپنا ہی پنجہ اس کے گال پر لگتا ہے اور گال زخمی ہو جاتا ہے۔

اب مچھر کو شرارت سوجھی اور شیر کے دوسرے گال پر جا بیٹھا شیر نے غصّے میں مچّھر کو مارنے کے لیے پھر پنجہ اٹھایا۔ لیکن یہ کیا ہوا مچھّر پھر سے اُڑ گیا اور زور دار پنجہ دوبارہ شیر کے دوسرے گال پر لگ گیا۔ 'پھٹاک' اب شیر کا دوسرا گال بھی زخمی ہو گیا۔ شیر کے گال سے خون بہنے لگا۔ شیر بے بس ہو گیا۔

مچھر، شیر کے پاس منڈلا رہا تھا۔ تنگ آ کر شیر وہاں سے اُٹھا اور خاموشی سے چلا گیا۔ شیر کو جاتے دیکھ کر مچھّر نے کہا، "دوست اپنے آپ پر غرور نہیں کرنا چاہیے۔"

(لوک کہانی)

[تصویر: زخمی شیر جنگل سے جاتا ہوا اور اوپر اڑتا مچھّر، درسی کتاب میں دیکھیں]

اساتذہ کے لیے ہدایات

کہانی کی تصویروں کو دکھا کر بچّوں سے بات چیت کریں۔

بچّوں سے گھر والوں سے سنی کسی کہانی کو جماعت میں سنوایا جائے۔

استاد کا نوٹ

الف) یہ ایک لوک کہانی ہے؛ اس کا سبق ہے کہ اپنے آپ پر غرور نہیں کرنا چاہیے۔
ب) طاقت ور شیر اپنے ہی غصّے کی وجہ سے دونوں گالوں پر زخمی ہو گیا۔
ج) نئے لفظ: بھنبھناتا، منڈلانا، حقیر، زخمی اور بے بس۔