NCERT Class 1 Urdu Shahnai Chapter 12 Jaada Aaya PDF Download

سبق 12 - جاڑا آیا

جاڑا دھوم مچاتا آیا
کپڑے گرم پہناتا آیا

کیسی ہوا ہے فرفر، فرفر
کانپتے ہیں سب تھرتھر، تھرتھر

چھپ جاتا ہے سورج جلدی
لگتی ہے اس کو بھی سردی

استاد کا نوٹ

الف) نظم میں جاڑا ایک مہمان کی طرح دھوم مچاتا آتا ہے اور سب کو گرم کپڑے پہناتا ہے۔
ب) 'فرفر' ہوا کی آواز ہے اور 'تھرتھر' سردی سے کانپنے کی؛ ایسے لفظ آواز کی نقل کرتے ہیں۔
ج) سردیوں میں سورج جلدی چھپ جاتا ہے، اس لیے شاعر کہتا ہے کہ اسے بھی سردی لگتی ہے۔

ہا ہا، ہا ہا، ہی ہی، ہی ہی
ہو ہو، ہو ہو، سی سی، سی سی

ہائے رے سردی ہائے رے سردی
سارے بدن میں برف سی بھر دی

- شفیع الدین نیّر

[تصویر: برف باری میں ٹھٹھرتے بچّے، گرم کپڑوں میں لپٹی لڑکی اور رضائی میں بیٹھی بچّی، درسی کتاب میں دیکھیں]

استاد کا نوٹ

الف) یہ نظم شفیع الدین نیّر کی ہے۔
ب) 'ہا ہا، ہی ہی، ہو ہو، سی سی' سردی میں منھ سے نکلنے والی آوازیں ہیں؛ انھیں ترنم سے پڑھوایئے۔
ج) 'سارے بدن میں برف سی بھر دی' کا مطلب ہے کہ سردی سے پورا جسم ٹھنڈا ہو گیا۔