NCERT Class 1 Urdu Shahnai Chapter 09 Chand Ka Bachcha PDF Download

سبق 9 - چاند کا بچّہ

وہ دیکھو وہ نکلا چاند
امّاں تم نے دیکھا چاند

یہ بھی کیا بچہ ہے اماں
چھوٹا سا مُنّا سا چاند

اتنا دُبلا اتنا پتلا
کب ہوتا ہے ایسا چاند

امّاں اس دن جو نکلا تھا
وہ تھا گول بڑا سا چاند

بادل سے ہنس ہنس کر اس دن
کیسا کھیل رہا تھا چاند

چھپ جاتا تھا نکل آتا تھا
کرتا تھا یہ تماشا چاند

اپنے بچے کو بھیجا ہے
گھر میں بیٹھا ہوگا چاند

یہ بھی اک دن بن جائے گا
اچھا گول بڑا سا چاند

اچھا امّاں کل کیوں تم نے
مجھ کو کہا تھا میرا چاند

- افسر میرٹھی

[تصویر: رات کو صوفے پر بیٹھی امّاں بچّے کو چاند دکھاتے ہوئے، درسی کتاب میں دیکھیں]

استاد کا نوٹ

الف) یہ نظم افسر میرٹھی کی ہے؛ ہر شعر کے آخر میں لفظ 'چاند' آتا ہے۔
ب) بچّہ پتلے سے نئے چاند کو دیکھ کر سمجھتا ہے کہ یہ بڑے گول چاند کا بچّہ ہے، جو ایک دن بڑا ہو جائے گا۔
ج) آخری شعر میں بچّہ پوچھتا ہے کہ امّاں نے کل اسے 'میرا چاند' کیوں کہا تھا۔

اساتذہ کے لیے ہدایات

اس نظم کے ذریعے بچّوں کو نون غنہ (ں) سکھانا ہے۔ جماعت میں نظم بار بار سنائی جائے اور پھر بچّوں سے پوچھا جائے کہ ایسے الفاظ بتائیں جن میں نون کی ہلکی آواز آتی ہو۔ بچے اماں اور چاند بتائیں گے۔

استاد ان الفاظ کو تختۂ سیاہ پر لکھیں اور بچّوں کو بتائیں کہ نون سے ہی نون غنہ بنتا ہے۔ جن الفاظ میں نون غنہ آتا ہے اس میں نون کی ہلکی آواز نکلتی ہے۔ اسی طرح استاد دوسرے الفاظ بھی تختۂ سیاہ پر لکھ کر بچّوں کو نون غنہ سکھائیں۔ جیسے رنگ، گنگا، مانگ، دانت، اونٹ، گیند، ترنگا، آنکھ، یہاں وہاں جہاں اور کہاں وغیرہ۔

استاد کا نوٹ

الف) نون غنہ (ں) میں نون کی پوری آواز نہیں، صرف ہلکی ناک کی آواز نکلتی ہے، جیسے اماں اور کہاں میں۔
ب) لفظ کے آخر میں نون غنہ بغیر نقطے کے لکھا جاتا ہے، جیسے یہاں، وہاں اور جہاں۔
ج) لفظ کے بیچ میں یہ آواز رنگ، دانت، اونٹ، آنکھ اور چاند جیسے لفظوں میں آتی ہے۔