NCERT Class 1 Urdu Shahnai Chapter 07 Shahzada Sohan PDF Download

سبق 7 - شہزادہ سوہن

آؤ بچّو! سنیں کہانی
ایک تھا راجا ایک تھی رانی

رانی جی کا نام تھا کومل
راجا جی کا نام تھا منگل

ان دونوں کا ایک تھا لڑکا
نام تھا اس کا سوہن گنگا

سوہن گنگا شہزادہ تھا
اچھا پڑھتا لکھتا بھی تھا

ہر دم میٹھی باتیں کرتا
ہنستا گاتا کھیلتا رہتا

بچّو! تم بھی کھیلو کودو
لیکن پڑھنا لکھنا سیکھو

[تصویر: محل کے باغ میں کھیلتا شہزادہ سوہن اور راجا رانی، درسی کتاب میں دیکھیں]

استاد کا نوٹ

الف) نظم میں رانی کا نام کومل، راجا کا نام منگل اور ان کے بیٹے کا نام سوہن گنگا ہے۔
ب) شہزادہ سوہن پڑھتا لکھتا بھی تھا اور ہنستا گاتا کھیلتا بھی رہتا تھا۔
ج) نظم کا سبق: کھیلو کودو، لیکن پڑھنا لکھنا بھی سیکھو۔

اساتذہ کے لیے ہدایات

اس نظم کی مدد سے ہمیں بچّوں کو درج ذیل 5 حروف سکھانے ہیں۔
ک گ ل م ہ

آپ بچّوں سے سوال کریں کہ اس نظم کو سن کر ایسے الفاظ بتائیں جن میں ک استعمال ہوا ہے۔ بچّے، کہانی، کومل، ایک، کرنا، کا اور لڑکا بتائیں گے۔

ان کے بتائے ہوئے لفظوں کی روشنی میں تختۂ سیاہ پر 'ک' لکھوایئے اور بچّوں کو بتایئے کہ ان لفظوں میں 'ک' کا استعمال ہوا ہے۔ بچّوں کو 'ک' کی ذیلی شکل بھی بتائی جائے۔

اسی طرح باقی چار حروف سے بھی بچّوں کو متعارف کرایا جائے اور ان کی ذیلی شکلیں بتائی جائیں۔

پھر ان حروف اور پہلے سکھائے گئے حروف کی مدد سے بننے والے آسان الفاظ تختۂ سیاہ پر لکھ کر بتائے جائیں۔

استاد کا نوٹ

الف) اس سبق کے پانچ حروف ہیں: ک، گ، ل، م اور ہ۔
ب) 'ک' اور 'گ' کی شکل ایک جیسی ہے؛ 'گ' کے اوپر ایک اور ترچھی لکیر ہوتی ہے۔
ج) نظم سے مثالیں: 'گ' گاتا اور گنگا میں، 'ل' لڑکا اور لکھتا میں، 'م' منگل اور میٹھی میں۔