NCERT Class 1 Urdu Shahnai Chapter 06 Baagh Ki Sair PDF Download

سبق 6 - باغ کی سیر

روز کی طرح اس دن بھی صبا اور طارق صبح سویرے اٹھ گئے۔ اتوار کا دن تھا۔ اسکول کی چھٹی تھی لیکن دونوں بچّوں کو صبح اٹھنے کی عادت تھی۔

"دادا جی! آج ہم بھی آپ کے ساتھ باغ کی سیر کو چلیں گے۔" صبا نے کہا۔

"ضرور!" دادا جی نے عینک صاف کرتے ہوئے کہا۔

باغ میں قدم رکھتے ہی طارق دادا کی انگلی چھوڑ سیدھا طوطوں کے پاس گیا۔ طوطے بہت خوب صورت اور صاف ستھرے تھے۔ صبا انھیں نظر بھر کے دیکھتی رہی۔ اسے یاد آیا کہ اس کے غبّارے پر ایسے ہی طوطے کی تصویر تھی۔ باغ میں کئی مرد اور کئی عورتیں تھیں۔ کچھ لوگ ورزش بھی کر رہے تھے۔

[تصویر: باغ میں دادا جی کے ساتھ صبا اور پیڑ پر بیٹھے طوطے، درسی کتاب میں دیکھیں]

دادا جی نے بتایا، "ورزش سے انسان صحت مند رہتا ہے۔ دوڑ بھاگ سے جسم مضبوط ہوتا ہے اور دماغ بھی۔"

دادا جی کی بات سن کر طارق نے دوڑتے ہوئے صبا سے کہا، "مجھے پکڑ کر دکھاؤ۔"

صبا تیزی سے دوڑی اور اگلے ہی پل وہ طارق کے قریب تھی۔ اب دونوں بھائی بہن ساتھ دوڑ رہے تھے۔

[تصویر: بینچ پر بیٹھے دادا جی اور صبا، آس پاس پرندے اور تتلیاں، درسی کتاب میں دیکھیں]

استاد کا نوٹ

الف) کہانی کے کردار: صبا، طارق اور ان کے دادا جی؛ اتوار کے دن تینوں باغ کی سیر کو جاتے ہیں۔
ب) دادا جی بتاتے ہیں کہ ورزش سے انسان صحت مند رہتا ہے اور دوڑ بھاگ سے جسم اور دماغ مضبوط ہوتے ہیں۔
ج) صبا کو یاد آیا کہ اس کے غبّارے پر بھی طوطے کی تصویر تھی۔

اساتذہ کے لیے ہدایات

اس کہانی کی مدد سے بچّوں کو درج ذیل 8 حروف سکھانے ہیں۔
ص، ض، ط، ظ، ع، غ، ف، ق

آپ بچّوں سے سوال کریں گے کہ اس کہانی کو سن کر ایسے الفاظ بتائیں جن میں 'ص' آتا ہے، بچے صبا اور صاف بتائیں گے۔

ان کے بتائے ہوئے ناموں کی روشنی میں استاد تختۂ سیاہ پر 'ص' لکھیں گے اور ان کی ذیلی شکل بھی بتائیں گے۔

اسی طرح باقی سات حروف سے بھی بچّوں کو متعارف کرایا جائے اور ان کی ذیلی شکلیں بتائی جائیں۔
صـ ضـ طـ ظـ عـ غـ فـ قـ

استاد کا نوٹ

الف) اس سبق کے آٹھ حروف ہیں: ص، ض، ط، ظ، ع، غ، ف اور ق۔
ب) کہانی سے مثالیں: صبا اور صاف میں 'ص'، طارق اور طوطے میں 'ط'، باغ اور غبّارے میں 'غ'۔
ج) 'ع' عادت اور عینک میں آتا ہے، اور 'ق' قدم اور قریب میں۔