NCERT Class 1 Urdu Shahnai Chapter 05 Chalo School Chalein PDF Download

سبق 5 - چلو اسکول چلیں

سردی کا موسم تھا۔ سورج کی کرنیں زمین پر پڑ رہی تھیں۔ سالم صبح سویرے اسکول کے لیے نِکلا۔ سڑک کے کنارے سیب کا باغ نظر آیا۔ اس نے سوچا! کاش مجھے سیب یا اس کا رس مل جائے جسے میں سکون سے کھا یا پی سکوں۔

وہ یہ سوچ ہی رہا تھا کہ اچانک شیلا نے کہا! "چلو دوست جلدی اسکول چلیں، شمع اور شفا انتظار کر رہی ہوں گی۔ وہ دیکھو! شاخ پر پرندے شان سے بیٹھے ہیں۔ وہ ہمیں اسکول جاتے دیکھ رہے ہیں۔ یہ پرندے بھی ہماری خوشی میں شامل ہیں۔ جلدی اسکول پہنچنے پر ہمیں شاباشی ملے گی۔"

[تصویر: سیب کے باغ کے پاس سے اسکول جاتے سالم اور شیلا، درسی کتاب میں دیکھیں]

استاد کا نوٹ

الف) کہانی میں سالم اور شیلا سردی کی صبح اسکول جا رہے ہیں اور راستے میں سیب کا باغ دیکھتے ہیں۔
ب) شیلا سالم سے جلدی چلنے کو کہتی ہے کیونکہ شمع اور شفا انتظار کر رہی ہوں گی۔
ج) کہانی میں 'س' اور 'ش' والے بہت سے لفظ ہیں، جیسے سالم، سیب، سکون، شیلا اور شاخ۔

اساتذہ کے لیے ہدایات

اس سبق کو جماعت میں پڑھنے کے بعد بچّوں سے معلوم کریں کہ سبق میں وہ کون سے الفاظ ہیں جس میں 'س' کی آواز کا استعمال ہوا ہے۔

بچّے ان لفظوں کو بتائیں گے جیسے سردی، موسم، سورج، سالم، اسکول، سڑک اور سیب۔

پھر معلوم کیجیے ایسے کون سے الفاظ ہیں جن میں "ش" کی آواز کا استعمال ہوا ہے۔

بچّے ان لفظوں کو بتائیں گے جیسے، شیلا، کاش، شمع، شفا، خوشی، شامل اور شاباشی۔

بچّوں کو 'س' اور 'ش' کی ذیلی (ٹوٹی) شکل اور آوازوں کا فرق بھی بتائیں۔

استاد کا نوٹ

الف) اس سبق کے دو حروف ہیں: س اور ش؛ دونوں کی شکل ایک ہے، ش پر تین نقطے ہوتے ہیں۔
ب) 'س' والے لفظ: سردی، موسم، سورج، سالم، اسکول، سڑک اور سیب۔
ج) 'ش' والے لفظ: شیلا، کاش، شمع، شفا، خوشی، شامل اور شاباشی۔