NCERT Class 8 Urdu Khayaal Chapter 16 Ae Sharif Insano PDF Download

سبق 13: اے شریف انسانو!

خون اپنا ہو یا پرایا ہو
نسلِ آدم کا خون ہے آخر

جنگ مشرق میں ہو کہ مغرب میں
امنِ عالم کا خون ہے آخر

بم گھروں پر گریں کہ سرحد پر
روحِ تعمیر زخم کھاتی ہے

کھیت اپنے جلیں کہ اوروں کے
زیست فاقوں سے تِلملاتی ہے

ٹینک آگے بڑھیں کہ پیچھے ہٹیں
کوکھ دھرتی کی بانجھ ہوتی ہے

فتح کا جشن ہو کہ ہار کا سوگ
زندگی میّتوں پہ روتی ہے

جنگ تو خود ہی ایک مسئلہ ہے
جنگ کیا مسئلوں کا حل دے گی

استاد کا نوٹ

الف) ان اشعار میں شاعر بار بار دو مخالف باتیں ساتھ رکھتا ہے: اپنا یا پرایا، مشرق یا مغرب، گھر یا سرحد، فتح یا ہار۔
ب) 'نسلِ آدم' یعنی انسانیت، 'امنِ عالم' یعنی دنیا کا امن، اور 'زیست' یعنی زندگی۔
ج) 'کوکھ بانجھ ہونا' کا مطلب ہے زمین کا بنجر ہو جانا، یعنی اس میں کچھ نہ اُگنا۔

آگ اور خون آج بخشے گی
بھوک اور احتیاج کل دے گی

اس لیے اے شریف انسانو
جنگ ٹلتی رہے تو بہتر ہے

آپ اور ہم سبھی کے آنگن میں
شمع جلتی رہے تو بہتر ہے

- ساحرؔ لدھیانوی

[تصویر: پودا لگاتے اور کھیلتے بچے اور زیتون کی ٹہنی لیے فاختہ، اپنی درسی کتاب میں دیکھیں]

استاد کا نوٹ

الف) یہ نظم ساحرؔ لدھیانوی کی ہے؛ نظم کا عنوان 'اے شریف انسانو!' آخری حصے کے ایک مصرعے سے لیا گیا ہے۔
ب) 'احتیاج' کا مطلب ہے ضرورت یا محتاجی؛ 'ٹلنا' یعنی دور ہونا یا رک جانا۔
ج) آخری دو شعروں میں 'تو بہتر ہے' دہرایا گیا ہے اور 'شمع' یہاں امن اور روشنی کی علامت ہے۔