NCERT Class 6 Urdu Khayaal Chapter 01 Dua PDF Download

سبق 1: دعا

خدایا! ہم ترے دربار میں اک عرض لائے ہیں
یہ اپنے سَر، تری سرکار میں ہم نے جھکائے ہیں
گزارے زندگی اب قوم اپنی اُن فضاؤں میں
مَسرّت ناچتی ہو رات دن جِن کی ہواؤں میں
جہاں خوددار اور بے خوف ہوں چھوٹے بڑے سارے
سدا خُلق و اُخوّت کے چمکتے ہوں جہاں تارے
جہاں ہر شخص ہو ہم درد اور غم خوار دنیا کا
جہاں پھیلا ہوا ہو علم و فن کا ہر طرف چرچا

[تصویر: پہاڑوں اور پھولوں کے بیچ دعا مانگتے دو بچے، اپنی درسی کتاب میں دیکھیں]

جہاں ہر کام میں تکمیل ہو پیشِ نظر سب کے
جہاں بندے نہ ہوں افراد نفرت اور تعصّب کے
جہاں کے لوگ دور از کار رسموں کے نہ قائل ہوں
جہاں پر لوگ دل سے خدمتِ انساں پہ مائل ہوں
عمل میں راستی ہو، صِدق ہو اُن کی زبانوں پر
توانا ہوں، مگر آفت نہ ڈھائیں ناتوانوں پر
برابر ہو جہاں ہر ایک، ادنا ہو کہ اعلا ہو
جہاں انصاف کا اور عدل ہی کا بول بالا ہو

- محمد شفیع الدین نیّر

[تصویر: ایک دوسرے کی مدد کرتے لوگ، اپنی درسی کتاب میں دیکھیں]

استاد کا نوٹ

الف) اس نظم میں ہر شعر کے دونوں مصرعے ہم قافیہ ہیں، جیسے لائے/جھکائے، فضاؤں/ہواؤں، سارے/تارے۔
ب) نظم میں 'جہاں' بار بار آیا ہے؛ ہر بار شاعر اپنی قوم کے لیے ایک نئی خوبی کی دعا مانگتا ہے۔
ج) یہ نظم محمد شفیع الدین نیّر کی ہے؛ 'مَسرّت' کا مطلب ہے خوشی۔

لفظ و معنی

غور کرنے کی بات

• یہ نظم ٹیگور کی مشہور کتاب گیتانجلی کے ایک گیت سے متاثر ہو کر لکھی گئی ہے۔
• یہ ایک دعائیہ نظم ہے جس میں شاعر خدا سے مخاطب ہے۔ اس نظم میں شاعر نے مِل جُل کر اور پیار محبت سے رہنے کی دعا مانگی ہے۔
• لفظ 'قوم' سے مراد ہے ایک ملک میں رہنے والے سبھی لوگ۔

استاد کا نوٹ

الف) الٹے معنی والے جوڑے یاد رکھیے: توانا/ناتواں اور ادنا/اعلا۔
ب) 'راستی' اور 'صِدق' دونوں کا مطلب سچائی ہے؛ اسی طرح 'انصاف' اور 'عَدل' ہم معنی ہیں۔
ج) یہ نظم ٹیگور کی کتاب 'گیتانجلی' کے ایک گیت سے متاثر ہو کر لکھی گئی ہے۔