NCERT Class 4 Urdu Sitar Chapter 13 Dosti Ke Rang PDF Download

سبق 13: دوستی کے رنگ

رنگ پور گاؤں میں ہولی کی چہل پہل شروع ہو گئی تھی۔ گاؤں والوں میں بہت جوش تھا اور سبھی نے اس تہوار کی خوب تیاری کی تھی۔

رنگ پور میں سمیر اور امن نام کے دو بچّے رہتے تھے۔ وہ اپنی دوستی کے لیے مشہور تھے۔ وہ دونوں ایک دوسرے کے بہترین دوست تھے اور پڑوسی بھی۔ انھیں ایک ساتھ کھیلنا، گھومنا پھرنا اور اسکول جانا پسند تھا۔ اس بار انھوں نے اپنے گھر والوں اور دوستوں کے ساتھ ہولی منانے کا ارادہ کیا۔

[تصویر: گاؤں کے گھروں کے سامنے کھڑے دو دوست، اپنی درسی کتاب میں دیکھیں]

[تصویر: گھر والوں کے ساتھ ہولی کے پکوان بناتے بچّے، اپنی درسی کتاب میں دیکھیں]

امن نے کہا: "کیوں نہ ہم ہولی کا جشن منانے کے لیے سب کو اپنے گھر بلائیں؟"

سمیر کی آنکھیں خوشی سے چمک اُٹھیں۔ "ہاں ہاں! ہمارے پاس بہت سے رنگ ہیں۔ ہم سب رنگ کھیلیں گے اور موج مستی کریں گے۔ گُجیا اور طرح طرح کے پکوانوں کا لطف اٹھائیں گے۔"

اس بار ہولی کی صبح کا سورج کچھ زیادہ ہی روشن اور چمک دار تھا۔ اُس کی چمک نے پورے رنگ پور گاؤں کو سونے جیسا بنا دیا تھا۔ سمیر اور امن نے گُجیا اور ٹھنڈائی بنانے میں گھر والوں کی مدد کی۔ گھر والوں نے گلال اور رنگوں کی تھالیاں سجا کر رکھ لیں تا کہ جب مہمان آئیں تو وہ اُن سے ہولی کھیلیں۔

استاد کا نوٹ

الف) کہانی رنگ پور گاؤں کی ہے؛ سمیر اور امن بہترین دوست بھی تھے اور پڑوسی بھی۔
ب) ہولی کی تیاری میں دونوں نے گُجیا اور ٹھنڈائی بنانے میں گھر والوں کی مدد کی۔
ج) 'چہل پہل' یعنی رونق اور گہما گہمی، اور 'گلال' ہولی میں لگایا جانے والا رنگین پاؤڈر ہے۔

سمیر اور امن کے آنگن میں بہت سارے بچّوں کے جمع ہونے سے رونق آ گئی۔ ناچ گانے اور ہنسی مذاق کے درمیان امن ایک مونڈھے پر کھڑا ہو گیا۔ اس نے بچّوں سے پوچھا: "کیا آپ جانتے ہیں کہ ہولی کیوں منائی جاتی ہے؟"

جوہی نے فخر کا اظہار کرتے ہوئے کہا: "یہ پرہلاد اور ہولیکا کی کہانی ہے۔"

ایسا مانا جاتا ہے کہ ہرن کشیپ خود کو بھگوان مانتا تھا مگر پرہلاد شیو جی کی بھکتی کرتے تھے، جو ہرن کشیپ کو ناپسند تھا اسی لیے انھوں نے پرہلاد کو سزا دینے کے لیے کئی کوششیں بار بار کیں لیکن پرہلاد وشنو بھکتی کی ضد پر قائم رہے۔ جب وہ نہیں مانے تو ہرن کشیپ نے اسے جلانے کے لیے اپنی بہن کی مدد لی لیکن وہ کامیاب نہ ہو سکا۔ اسی خوشی میں ہولی منائی جاتی ہے۔

[تصویر: مونڈھے پر کھڑا امن رنگوں میں بھیگے بچّوں سے بات کر رہا ہے، اپنی درسی کتاب میں دیکھیں]

استاد کا نوٹ

الف) امن کے سوال کے جواب میں جوہی نے بتایا کہ ہولی کے پیچھے پرہلاد اور ہولیکا کی کہانی ہے۔
ب) ہرن کشیپ نے پرہلاد کو جلانے کے لیے اپنی بہن کی مدد لی لیکن وہ کامیاب نہ ہو سکا۔
ج) 'مونڈھا' بیٹھنے کی ایک گول نیچی کرسی ہے، اور 'فخر کا اظہار کرنا' یعنی ناز کے ساتھ اپنی بات کہنا۔