NCERT Class 4 Urdu Sitar Chapter 12 Chawal Ke Das Daane PDF Download

سبق 12: چاول کے دس دانے

کسی ملک میں ایک بادشاہ تھا جو بڑا چالاک اور لالچی تھا۔ وہ ہر سال اپنی رعایا سے چاول وصول کرتا اور شاہی گودام میں جمع کرا دیتا۔ کئی برس تک دھان کی فَصل بہت اچھی ہوئی اور بھولے بھالے کسان زیادہ تر چاول بادشاہ کے آدمیوں کو دیتے رہے۔ اپنے پاس صرف کھانے کے لیے بچا لیتے تھے۔ بادشاہ اور اُس کے آدمی اُن سے وعدہ کرتے کہ "ہم تمھارے لیے چاول جمع کر کے رکھ رہے ہیں۔ اگر کبھی فصل خراب ہوئی تو یہ چاول تمھیں بانٹ دیے جائیں گے۔"

[تصویر: بوریاں اٹھائے کسان اور سامنے کھڑا بادشاہ، اپنی درسی کتاب میں دیکھیں]

استاد کا نوٹ

الف) کہانی کا بادشاہ چالاک اور لالچی تھا؛ وہ ہر سال رعایا سے چاول لے کر شاہی گودام میں جمع کرا دیتا تھا۔
ب) بادشاہ کے آدمیوں نے کسانوں سے وعدہ کیا تھا کہ فصل خراب ہونے پر جمع کیے ہوئے چاول بانٹ دیے جائیں گے۔
ج) 'رعایا' یعنی کسی بادشاہ کے ملک میں رہنے والے لوگ۔

ایک سال دھان کی فصل اچھی نہیں ہوئی۔ لوگوں کے پاس بادشاہ کو دینے کے لیے چاول نہیں تھے اور نہ ہی اپنا پیٹ بھرنے کے لیے۔ بادشاہ کے کچھ نیک دل وزیروں نے بادشاہ سے بہت منّت سماجت کی کہ حضور آپ کے پاس جو چاول جمع ہیں کیوں نہ وہ لوگوں میں تقسیم کر دیے جائیں۔ آپ نے اس کا وعدہ بھی کیا تھا۔

"نہیں نہیں" بادشاہ نے کہا: "کیا پتہ یہ قحط کتنے برس تک چلے۔" وقت گزرتا گیا اور لوگ بھوک سے مرنے لگے۔ لیکن بادشاہ نے چاول نہیں بانٹے۔ ایک دن بادشاہ نے اپنے خوشامدی وزیروں کو کھانے پر مدعو کیا۔ دعوت کے لیے گودام سے دو بورے چاول نکالے گئے اور ہاتھی پر شاہی محل کی طرف روانہ کیے گئے۔ راستے میں عقیلہ نام کی ایک لڑکی نے دیکھا کہ بورے کے سوراخ سے چاول گِر رہے ہیں۔ عقیلہ بھاگ کر اُس طرف گئی اور اپنے دوپٹّے میں چاول اکٹّھا کرتی ہوئی محل تک جا پہنچی۔ وہ بہت ہوشیار تھی۔ اُس نے تھوڑی دیر رُک کر کچھ سوچا اور بادشاہ کے محل میں داخل ہونے لگی۔ دَربان نے اندر جانے سے منع کرتے ہوئے کہا: "تم چاول چُرا کر کہاں لے جا رہی ہو۔"

[تصویر: ہاتھی پر لدے چاول کے بورے اور پیچھے چلتی لڑکی، اپنی درسی کتاب میں دیکھیں]

[تصویر: دربار میں بادشاہ کے سامنے چاول لیے کھڑی عقیلہ، اپنی درسی کتاب میں دیکھیں]

عقیلہ بولی: "میں نے چوری نہیں کی ہے۔ یہ چاول تو ایک بورے میں سے گِر رہے تھے، میں اُنھیں بادشاہ کو دینے آئی ہوں۔" جب بادشاہ نے لڑکی کے بارے میں سُنا تو اُسے اپنے پاس بلایا اور کہا: "تم نے میرے چاول بے کار جانے سے بچائے اور اُنھیں لوٹا بھی رہی ہو۔ مجھے اس بات سے بڑی خوشی ہوئی۔ بتاؤ میں تمھیں کیا انعام دوں؟ تم اس وقت جو مانگو گی تمھیں دیا جائے گا۔"

عقیلہ بولی: "حضور! مجھے کچھ نہیں چاہیے لیکن اگر آپ کچھ دینا ہی چاہتے ہیں تو مجھے 'چاول کے دس دانے' دے دیجیے۔"

استاد کا نوٹ

الف) عقیلہ نے بورے کے سوراخ سے گرتے چاول اپنے دوپٹّے میں اکٹّھا کیے اور انھیں بادشاہ کو لوٹانے محل پہنچی۔
ب) 'قحط' یعنی کال، جب کھانے کو اناج نہ ملے؛ 'منّت سماجت' یعنی بہت عاجزی سے درخواست کرنا۔
ج) 'خوشامدی' وہ ہے جو جھوٹی تعریف کرے، اور 'دَربان' دروازے پر پہرا دینے والا۔