NCERT Class 4 Urdu Sitar Chapter 11 Hindustani Parinde PDF Download

سبق 11: ہندوستانی پرندے

(صبح صبح بچّے اسکول آ رہے ہیں اور کلاس روم میں بیٹھ رہے ہیں) صائمہ کو کلاس کے اندر آتے ہوئے دیکھ کر رفیق نے پوچھا: "صائمہ! تم تو اپنے چھوٹے ماموں کی شادی میں گئی تھی۔ وہاں سے لوٹ کر کب آئی؟

صائمہ نے کہا: "ابھی کل ہی آئی ہوں۔"

سلمٰی نے صائمہ کی بات سن کر کہا: "اچھا! پھر تو تم نے خوب مزے کیے ہوں گے۔"

صائمہ: "ہاں بہت مزہ آیا۔ وہاں تو میں نے کئی طرح کے پرندے بھی دیکھے۔"

ساحل نے تعجّب سے پوچھا: "اچھا! کچھ خاص پرندے تھے کیا؟

[تصویر: کلاس روم میں بات چیت کرتے بچّے، اپنی درسی کتاب میں دیکھیں]

[تصویر: کلاس میں استاد بچّوں سے بات کر رہے ہیں، اپنی درسی کتاب میں دیکھیں]

رفیق نے تجسّس بھری نگاہوں سے دیکھا اور کہا: ہاں! ہاں! کچھ ہمیں بھی بتاؤ ان پرندوں کے بارے میں۔

(کلاس میں استاد داخل ہوتے ہیں اور تمام طلبا و طالبات کھڑے ہو کر استاد کو سلام کرتے ہیں)

استاد: پیارے بچّو! کیسے ہیں آپ لوگ؟

بچّے: ہم سب خیریت سے ہیں۔

استاد: بہت اچھا! آپ لوگ بیٹھ جائیے۔ کیسی ہو صائمہ؟ اپنے ماموں کی شادی میں خوب مزے کر کے واپس آئی ہو گی۔

صائمہ: جی سر! بہت مزہ آیا۔

استاد کا نوٹ

الف) صائمہ اپنے چھوٹے ماموں کی شادی سے لوٹی ہے اور وہاں اس نے کئی طرح کے پرندے دیکھے۔
ب) قوسین ( ) میں لکھی باتیں بتاتی ہیں کہ کلاس میں کیا ہو رہا ہے؛ انھیں بولا نہیں جاتا۔
ج) 'تعجّب' یعنی حیرت، اور 'تجسّس' یعنی کچھ جاننے کی خواہش۔

منیشا: سر! صائمہ کہہ رہی تھی کہ اس نے وہاں کئی طرح کے پرندے دیکھے۔

استاد: اچھا! ذرا ہم لوگوں کو بھی بتاؤ۔

صائمہ: سر! میرے ماموں کے ایک دوست ہیں۔ ان کے بغیچے میں روزانہ بہت سارے کبوتر اور طوطے آتے ہیں۔

ساحل: اچھا کب! کبوتر کیسے تھے؟ کیا وہ اسی طرح سے تھے جو ہمارے اسکول میں نظر آتے ہیں؟

[تصویر: تالاب کے کنارے طرح طرح کے پرندے اور جانور، اپنی درسی کتاب میں دیکھیں]

صائمہ: یہاں تو ایک ہی طرح کے کبوتر نظر آتے ہیں۔ وہاں تو کبوتر کئی رنگ کے تھے اور جب وہ غُٹر غُوں غُٹر غُوں کرتے تھے تو سُننے میں بڑا اچھا لگتا تھا۔

استاد کا نوٹ

الف) صائمہ نے ماموں کے دوست کے بغیچے میں روزانہ آنے والے کبوتر اور طوطے دیکھے۔
ب) 'غُٹر غُوں' کبوتر کی آواز ہے؛ اس طرح کی آواز والے لفظوں سے بات دل چسپ بنتی ہے۔
ج) 'طلبا و طالبات' یعنی لڑکے اور لڑکیاں جو پڑھتے ہیں۔