NCERT Class 1 Urdu Shahnai Chapter 03 Do Dost PDF Download

سبق 3 - دو دوست

کسی گاؤں میں دو دوست دانش اور دلاور رہا کرتے تھے۔ دونوں میں گہری دوستی تھی۔ ایک دن دونوں دانیال کی دکان پر دال خریدنے پہنچے اور کہا، "ہمیں دال چاہیے۔"

دانیال نے کہا، "کیوں نہیں، ضرور ملے گی، لیکن آج تمھیں پیسے دینے کی ضرورت نہیں ہے۔"

دونوں نے حیرت سے کہا، "کیوں جناب؟"

دانیال نے خوش ہو کر کہا۔ "آج میں آپ لوگوں سے ایک نیک کام کروانا چاہتا ہوں۔"

"وہ کیا؟" دونوں نے حیرت سے پوچھا۔

"ہمارے پاس تھوڑا اناج ہے۔ اسے بستی کے ان لوگوں کو دینا ہے اور وہ بھی مفت، جو محنت مزدوری تو کرتے ہیں لیکن ان کی گزر بسر بڑی مشکل سے ہوتی ہے۔" دکان دار نے سمجھاتے ہوئے کہا۔

[تصویر: دانیال کی دکان پر کھڑے دانش اور دلاور، درسی کتاب میں دیکھیں]

"اور یاد رکھنا وہاں پر زیادہ دیر رکنا مت۔ کہیں ایسا نہ ہو وہاں پر ہونے والے کٹھ پتلی کے کھیل اور ڈگڈگی کی آواز میں گُم ہو جاؤ اور وقت کا خیال نہ رہے۔"

دونوں خوشی خوشی راضی ہو گئے۔ "ہم اپنی ذمّے داری بہ خوبی نبھائیں گے۔ اگر ہمیں آنے میں دیر ہو جائے تو ہمارا سامان واحد کو دے دینا۔ وہ سامان وسیم کی مدد سے ہم تک پہنچ جائے گا۔ ہم سب ایک دوسرے کو خوب اچھی طرح جانتے ہیں۔"

[تصویر: کٹھ پتلیاں اور بیٹھے ہوئے بچّے، درسی کتاب میں دیکھیں]

استاد کا نوٹ

الف) کہانی کے کردار: دو دوست دانش اور دلاور، دکان دار دانیال، اور واحد اور وسیم۔
ب) دانیال نے دونوں دوستوں کو بستی کے محنت کش لوگوں میں مفت اناج بانٹنے کا نیک کام دیا۔
ج) دانیال نے یاد دلایا کہ کٹھ پتلی کے کھیل اور ڈگڈگی میں گُم ہو کر وقت نہ بھولنا۔

اساتذہ کے لیے ہدایات

اس کہانی کی مدد سے ہمیں طلبا کو 4 حروف 'د'، 'ڈ'، 'ذ' اور 'و' سکھانے ہیں۔

بچّوں سے سوال کریں کہ اس کہانی کے ایسے الفاظ بتائیں جو 'د' سے شروع ہوتے ہیں۔ بچّے دانش، دلاور اور دانیال وغیرہ لفظ بتائیں گے۔

استاد تختۂ سیاہ پر "د" لکھ کر بتائیں کہ یہ تینوں الفاظ اردو کے حرف 'د' سے شروع ہوتے ہیں۔

اسی طرح بقیہ حروف سے شروع ہونے والے الفاظ پوچھ کر سبھی حروف سے بچّوں کو متعارف کرائیں۔

پھر ان حروف کو جوڑ کر بنائے جانے والے آسان الفاظ تختۂ سیاہ پر لکھیں۔ جیسے: ادا، جدا، خدا، خود، دن، دان، دین، داب، باد، اور دوب وغیرہ۔

یہاں بچّوں کو یہ بھی بتایا جائے کہ یہ حروف اپنے بعد آنے والے کسی بھی حروف سے ملا کر نہیں لکھے جاتے۔

استاد کا نوٹ

الف) اس سبق کے چار حروف ہیں: د، ڈ، ذ اور و۔
ب) یہ حروف اپنے بعد آنے والے حرف سے جڑ کر نہیں لکھے جاتے، جیسے 'دن' اور 'دوب' میں۔
ج) کہانی سے 'د' سے شروع ہونے والے لفظ: دانش، دلاور، دانیال، دال اور دکان۔