NCERT Class 1 Urdu Shahnai Chapter 02 Chand Mein Pariyan Rahti Hain PDF Download

سبق 2 - چاند میں پریاں رہتی ہیں

امّاں باجی کہتی ہیں
چاند میں پریاں رہتی ہیں

رات کو پَر پھیلاتی ہیں
اور اُتر کر آتی ہیں

سب بچّوں کو سُلاتی ہیں
اور پھر خواب دکھاتی ہیں

امّاں باجی کہتی ہیں
چاند میں پریاں رہتی ہیں

میں تو آج نہ سوؤں گا
رات گئے تک جاگوں گا

باہر باغ میں بیٹھوں گا
چاند کی پریاں دیکھوں گا

امّاں باجی کہتی ہیں
چاند میں پریاں رہتی ہیں

- افسر میرٹھی

[تصویر: چاند پر بیٹھی پری اور باغ میں بینچ پر بیٹھا بچّہ، درسی کتاب میں دیکھیں]

استاد کا نوٹ

الف) یہ نظم افسر میرٹھی کی ہے اور "چاند میں پریاں رہتی ہیں" اس کا بار بار آنے والا مصرع ہے۔
ب) نظم میں بچّہ کہتا ہے کہ وہ آج نہیں سوئے گا اور باغ میں بیٹھ کر چاند کی پریاں دیکھے گا۔
ج) نظم میں 'ج' گروپ کی آوازوں والے لفظ ڈھونڈیے: باجی، آج، چاند، بچّوں اور خواب۔

خرگوش اور چڑیا

چڑیا اور خرگوش آپس میں دوست تھے۔ چڑیا جامن کے پیڑ پر رہتی تھی۔ خرگوش کا خاندان بھی پاس ہی رہتا تھا۔

ایک دن خرگوش چڑیا کے ساتھ اپنی خالہ سے ملنے گیا۔ خالہ دونوں کو دیکھ کر بہت خوش ہوئیں۔ خالو بھی خوشی سے کھڑے تھے۔ خالہ نے جلدی جلدی خرگوش کے لیے روٹی پکائی۔ چڑیا کو چاول اور چنے دیے۔ پھر سب نے جی بھر کر حلوہ کھایا۔

[تصویر: جامن کے پیڑ پر چڑیا اور نیچے کھڑا خرگوش، درسی کتاب میں دیکھیں]

اساتذہ کے لیے ہدایات

اس سبق کے دو حصّے ہیں۔ پہلا حصّہ 'چاند میں پریاں رہتی ہیں' نظم ہے اور دوسرا حصّہ 'خرگوش اور چڑیا' نثر ہے۔ ان دونوں حصّوں کی مدد سے 'ج' گروپ کی تدریس کی جائے۔

اس نظم کو جماعت میں کئی بار پڑھنے کے بعد بچّوں سے معلوم کریں کہ اس میں ایسے کون سے الفاظ ہیں جن میں ج کی آواز کا استعمال ہوا ہے۔ بچے 'باجی' اور 'آج' کہیں گے۔

پھر معلوم کیجیے کہ ایسے کون سے الفاظ ہیں جن میں 'چ' کی آواز کا استعمال ہوا ہے۔ بچے 'چاند' تو کہیں گے ہی، ممکن ہے لفظ بچہ بھی بتا دیں۔

اب ایک بار پھر نظم پڑھ کر سوال کیجیے کہ وہ لفظ بتائیں جس میں خ کی آواز کا استعمال ہوا ہے۔ توجہ سے سننے والے بچے 'خواب' کہیں گے۔

باجی، آج، چاند، بچے اور خواب کی آوازوں کی روشنی میں بچّوں کو 'ج' گروپ سے واقف کروایئے۔
یعنی: ج چ ح خ

اس کہانی کی مدد سے 'ج' گروپ کے الفاظ معلوم کیجیے۔ جیسے: چڑیا، خرگوش، جامن، خاندان، خالہ، خوش، خالو، جلدی، چاول، چنے اور حلوہ۔

بچّوں کو 'ج' گروپ کی ذیلی شکل بتایئے اور مشق کروایئے۔
یعنی: جـ چـ حـ خـ

استاد کا نوٹ

الف) 'ج' گروپ کے چار حروف ہیں: ج، چ، ح اور خ؛ ان کی شکل ایک جیسی ہے اور صرف نقطوں سے فرق پڑتا ہے۔
ب) کہانی میں خالہ نے خرگوش کو روٹی اور چڑیا کو چاول اور چنے دیے، پھر سب نے حلوہ کھایا۔
ج) کہانی سے 'ج' گروپ کے لفظ چنیے: چڑیا، جامن، خالہ، جلدی، چاول اور حلوہ۔