NCERT Class 5 Urdu Sitar Chapter 10 Chaar Dost PDF Download

سبق 8: چار دوست

کردار

1. چوہا
2. کوّا
3. کچھوا
4. ہِرن
5. شکاری

پہلا منظر

جنگل میں ایک برگد کے گھنے درخت کا منظر جس پر مختلف قسم کے پرندے بیٹھے ہوئے ہیں، ایک کوّا کائیں کائیں کرتے ہوئے درخت کے نیچے اُترتا ہے۔

[تصویر: برگد کے درخت کے نیچے کوّا، چوہا، کچھوا اور ہرن، اپنی درسی کتاب میں دیکھیں]

چوہا: (کوّے کو مخاطب کرتے ہوئے) "کیا بات ہے بھائی؟ کسے پکار رہے ہو؟"

کوّا: "ارے چوہے بھائی!.... کِدھر سے؟.... راستہ بھول گئے کیا؟"

چوہا: "راستہ کہاں بھولا.... یہ پیڑ جس کی ڈالی سے اتر کر تم نیچے آ کر بیٹھے ہو، اس کی جڑ میں میرا بِل ہے۔"

کوّا: "تب تو ہم دونوں کو دوست ہونا چاہیے۔"

چوہا: "ہم دوست کیسے ہو سکتے ہیں؟ تم آسمان میں اُڑنے والے اور میں زمین کے اندر رہنے والا۔"

کوّا: "تم بھی انسانوں کی طرح اونچ نیچ کو مانتے ہو کیا؟ ہم جنگل کے باسی تو ایسی باتوں سے دور ہی رہتے ہیں۔"

(تبھی ایک کچھوا رینگتا ہوا ان کی طرف آتا دکھائی دیا۔)

کوّا اور چوہا: (ایک ساتھ) "ارے کچھوے بھائی! تم کہاں سے آ ٹپکے؟"

کچھوا: "میں بھی تو تمھارے پاس سامنے والی جھیل میں رہتا ہوں۔ مجھے بھی اپنا دوست بنا لو۔"

کوّا: "کیوں چوہے بھائی.... کیا خیال ہے.... بنا لیں کچھوے کو دوست؟"

استاد کا نوٹ

الف) یہ سبق ایک ڈراما ہے؛ اس کے پانچ کردار ہیں: چوہا، کوّا، کچھوا، ہرن اور شکاری۔
ب) چوہے کا بِل برگد کی جڑ میں ہے اور کچھوا سامنے والی جھیل میں رہتا ہے۔
ج) قوسین ( ) میں لکھی ہدایتیں بتاتی ہیں کہ کردار کیسے بولیں یا منظر میں کیا ہو رہا ہے۔

چوہا: "دوست تو جتنے بھی ہوں، کم ہیں۔ دشمن ایک بھی بُرا ہوتا ہے۔"

کچھوا اور کوّا: (ایک ساتھ ایک آواز میں) "تو آج سے ہم تینوں دوست ہوئے۔"

(تبھی سامنے سے ایک ہِرن برگد کی گھنی چھاؤں کی طرف آتا دکھائی دیتا ہے۔ تینوں دوست خوشی سے چِلاّ اُٹھتے ہیں۔)

"لو!.... اب تو ہمارے پاس ایک اور خوب صورت دوست بھی آ گیا۔"

ہِرن: "مگر ہم سب ایک دوسرے سے بالکل الگ، رنگ الگ، شکل الگ، عادت الگ، کھانا پینا الگ.... ہم کیسے ایک دوسرے کے دوست ہو سکتے ہیں؟"

کچھوا: دوستی کے لیے صرف دل مِلنا ضروری ہے۔ ہم انسان تو ہیں نہیں، جو ان معمولی باتوں پر دھیان دیں۔"

(چاروں ایک ساتھ بولے)

"تو پھر ٹھیک ہے آج سے ہم ایک دوسرے کے ساتھی اور دوست بن گئے۔"

استاد کا نوٹ

الف) ہرن کو لگا کہ رنگ، شکل، عادت اور کھانا پینا الگ ہونے کی وجہ سے وہ دوست نہیں بن سکتے۔
ب) کچھوے کے مطابق دوستی کے لیے صرف دل ملنا ضروری ہے۔
ج) 'باسی' یعنی رہنے والا، اور 'آ ٹپکنا' یعنی اچانک آ جانا۔