NCERT Class 5 Urdu Sitar Chapter 04 Tayyari Mein Hi Samajhdari Hai PDF Download

تیاری میں ہی سمجھ داری ہے

صرف پڑھنے کے لیے

کَرن پور گاؤں میں روی اور سونی ندی کنارے کھیل رہے تھے۔ ان کا گھر بھی ندی سے چند قدم کے فاصلے پر تھا۔ صبح سے ہی آسمان پر بادل گِھرے ہوئے تھے۔ ٹھنڈی ہوا چل رہی تھی اور چاروں طرف اندھیرا چھایا ہوا تھا۔

"لگتا ہے بارش ہونے والی ہے۔" سونی نے آسمان کی طرف دیکھتے ہوئے کہا۔

روی نے سر ہلایا: "جی! اس سے پہلے کہ موسم زیادہ خراب ہو، ہمیں گھر چلنا چاہیے۔"

تبھی دادا نے برآمدے سے آواز دی: "روی! سونی! یہاں آؤ! تمھیں ایک ضروری بات بتانی ہے۔"

بچّے گھر کی طرف دَوڑے اور آ کر دادا کے سامنے بیٹھ گئے۔ دادا اپنی پسندیدہ کُرسی پر بیٹھے ہمارا انتظار کر رہے تھے۔

[تصویر: ندی کنارے کھیلتے روی اور سونی، پیچھے گاؤں اور کدال لیے دادا، اپنی درسی کتاب میں دیکھیں]

استاد کا نوٹ

الف) روی اور سونی کَرن پور گاؤں میں رہتے تھے؛ ان کا گھر ندی سے چند قدم کے فاصلے پر تھا۔
ب) آسمان پر بادل گِھرے تھے، ٹھنڈی ہوا چل رہی تھی اور چاروں طرف اندھیرا چھایا ہوا تھا۔
ج) 'برآمدہ' گھر کے آگے کا چھت والا کھلا حصّہ ہے۔

[تصویر: کرسیوں پر بیٹھے دادا دادی اور ان کے سامنے بیٹھے بچّے، اپنی درسی کتاب میں دیکھیں]

"آؤ بچّو! میں تمھیں قدرتی آفات سے نمٹنے کے طریقوں کے بارے میں بتاتا ہوں۔" دادا نے کہا۔

"یہ کیا ہے دادا؟" سونی نے تجسّس اور حیرت سے پوچھا۔

"قدرتی آفات جیسے: سیلاب، زلزلے اور طوفان کے دوران ہمیں کیا احتیاطی تدابیر اختیار کرنی ہیں، ان کے بارے میں جاننا بہت ضروری ہے۔ خاص طور پر آج کل، جب کہ دریا میں سیلاب آنے کا خطرہ بڑھ رہا ہے۔" دادا نے سمجھاتے ہوئے کہا۔

روی نے حیرت زدہ ہو کر کہا: "اگر دریا میں سیلاب آ جائے تو ہمیں کیا کرنا ہو گا؟"

دادا نے اپنی بات آگے بڑھاتے ہوئے کہا: "سب سے پہلے ہمیں ایک ایمرجنسی کِٹ تیار کرنی ہو گی۔ ایک تھیلے میں کھانا، پانی، ضروری دوائیاں اور کچھ کپڑے رکھنے ہوں گے۔ اس کے علاوہ ہمیں یہ بھی معلوم کرنا ہو گا کہ اونچی زمین تک پہنچنے کا سب سے آسان اور محفوظ راستہ کون سا ہے؟"

استاد کا نوٹ

الف) دادا نے سیلاب، زلزلے اور طوفان کو قدرتی آفات کی مثالیں بتایا۔
ب) دادا کے مطابق ایمرجنسی کِٹ کے تھیلے میں کھانا، پانی، ضروری دوائیاں اور کچھ کپڑے رکھے جاتے ہیں۔
ج) 'آفات' لفظ 'آفت' کی جمع ہے، اور 'احتیاطی تدابیر' یعنی بچاؤ کے طریقے۔