Samacheer Kalvi Class 9 Tamil Solutions Chapter 7.6 ஆகுபெயர்

கற்பவை கற்றபின்

Question 1. ஆகுபெயரைக் கண்டறிக.
அ) தமிழரசி வள்ளுவரை ஓவியமாக வரைந்தாள்.
தமிழரசி வள்ளுவரைப் படித்தாள்.
ஆ) மாமாவின் வருகைக்கு வீடே மகிழ்கிறது.
நாடும் வீடும் நமதிரு கண்கள்.
இ) கலைச்செல்வி பச்சை நிற ஆடையை உடுத்தினாள்.
கலைச்செல்வி பச்சை உடுத்தினாள்.
ஈ) நாலும் இரண்டும் சொல்லுக்கு உறுதி.
நாலடி நானூறும் இரண்டடித் திருக்குறளும் வாழ்வுக்கு உறுதி தரும்.
உ) ஞாயிற்றை உலகம் சுற்றி வருகிறது.
நீங்கள் கூறுவதை உலகம் ஏற்குமா.
Answer:
அ) தமிழரசி வள்ளுவரை ஓவியமாக வரைந்தாள். – தொழிலாகு பெயர்
தமிழரசி வள்ளுவரைப் படித்தாள். – கருத்தாவாகு பெயர்
ஆ) மாமாவின் வருகைக்கு வீடே மகிழ்கிறது. – இடவாகு பெயர்
நாடும் வீடும் நமதிரு கண்கள். - சினையாகு பெயர்
இ) கலைச்செல்வி பச்சை நிற ஆடையை உடுத்தினாள். - தொழிலாகு பெயர்
கலைச்செல்வி பச்சை உடுத்தினாள். - பொருளாகு பெயர் (முதலாகு பெயர்)
ஈ) நாலும் இரண்டும் சொல்லுக்கு உறுதி. - எண்ணலளவையாகு பெயர்
நாலடி நானூறும் இரண்டடித் திருக்குறளும் வாழ்வுக்கு உறுதி தரும். - காரியவாகுபெயர்
உ) ஞாயிற்றை உலகம் சுற்றி வருகிறது. - தொழிலாகு பெயர்
நீங்கள் கூறுவதை உலகம் ஏற்குமா. - இடவாகு பெயர்
In simple words: இந்த கேள்விகள் ஒரு பெயர் எப்படி வேறு பொருளுக்காக பயன்படுத்தப்படுகிறது என்பதைக் காட்டுகிறது. ஒவ்வொரு வாக்கியத்திலும் ஆகுபெயரை கண்டறிந்து, அது எந்த வகை ஆகுபெயர் என்று விளக்கப்பட்டுள்ளது.

🎯 Exam Tip: ஆகுபெயரின் வகைகளைத் தெளிவாகப் புரிந்துகொள்வது, ஒரு சொல் அதன் வழக்கமான பொருளைத் தாண்டி எவ்வாறு பயன்படுத்தப்படுகிறது என்பதைக் கண்டறிய உதவும்.

Question 2. ஆகுபெயர் அமையுமாறு தொடர்களை மாற்றி எழுதுக.
அ) மதுரை மக்கள் இரவிலும் வணிகம் செய்கின்றனர்.
ஆ) இந்திய வீரர்கள் எளிதில் வென்றனர்.
இ) நகைச்சுவை நிகழ்வைப் பார்த்து அரங்கத்தில் உள்ளவர்கள் சிரித்தனர்.
ஈ) நீரின்றி இவ்வுலக மக்களால் இயங்க முடியாது.
Answer:
அ) மதுரையில் இரவு வணிகம் உண்டு.
ஆ) இந்தியா எளிதாக வென்றது.
இ) நகைச்சுவை நிகழ்வைப் பார்த்து அரங்கமே சிரித்தது.
ஈ) நீரின்றி உலகு இயங்காது.
In simple words: கொடுக்கப்பட்ட வாக்கியங்களை, ஆகுபெயர் பயன்படுத்தப்படும் வகையில் மாற்றி எழுதப்பட்டுள்ளது. இது பெயர்கள் அல்லது இடங்கள் எப்படி ஒரு செயலைக் குறிக்கும் என்பதைக் காட்டுகிறது.

🎯 Exam Tip: வாக்கியங்களை மாற்றும்போது, பொருள் மாறாமல் ஆகுபெயரைச் சரியான இடத்தில் பயன்படுத்துவது முக்கியம். குறிப்பாக, குறிப்பிட்ட நபர்களுக்குப் பதிலாக பொதுவாக இடங்களை அல்லது குழுக்களைக் குறிக்க ஆகுபெயரைப் பயன்படுத்தலாம்.

சிந்தனை வினா

Question 1. தற்காலப் பேச்சு வழக்கிலும், எழுத்து வழக்கிலும் ஆகுபெயரை எப்படியெல்லாம் பயன்படுத்துகிறோம் என்பதற்கு எடுத்துக்காட்டுகள் தருக.
Answer: தற்காலத்தில் பேச்சு வழக்கிலும், எழுத்து வழக்கிலும் ஆகுபெயர் பயன்படுத்துகிறோம். பல சமயங்களில் ஒரு பொருளை அதன் பெயர் சொல்லி அழைக்காமல், அதோடு தொடர்புடைய வேறு ஒரு சொல்லைப் பயன்படுத்துகிறோம்.
சான்றுகள்:
• சிவசங்கரியைப் படித்தேன் - என்னும் பொழுது சிவசங்கரி எழுதிய கதையைப் படித்தேன் என்று பொருள்பட, சிவசங்கரி என்பது அவர் எழுதிய நூலுக்கு ஆகி வந்தது.
• ஐந்து மீட்டர் கொடு – துணிக்கடைக்குச் செல்லும் பொழுது, “ஐந்து மீட்டர் என்பது - நாம் தேர்ந்தெடுத்த துணிக்கு ஆகி - நீட்டலளவை ஆகுபெயராய் பயன்படுத்துகிறோம்.
• மஞ்சள் பூசினேன் - என்று கூறும் பொழுது "மஞ்சள் வண்ணத்தில் உள்ள கிழங்கை அரைத்துப் பூசினேன்" என்று விளக்காமல், “மஞ்சள் பூசினேன்" என்கிறோம். இஃது மஞ்சள் வண்ண கிழங்கைக் குறிக்கும் பண்பாகு பெயராகும்.
In simple words: இப்போது நாம் பேசும்போதும் எழுதும்போதும் ஆகுபெயர்களைப் பயன்படுத்துகிறோம். ஒருவரைப் படித்தேன் என்றால் அவர் எழுதிய புத்தகத்தைப் படித்தேன் என்று பொருள். ஐந்து மீட்டர் துணி கொடு என்பது துணியை நீட்டி அளந்து கொடுப்பதைக் குறிக்கிறது.

🎯 Exam Tip: அன்றாட வாழ்வில் நாம் பயன்படுத்தும் வாக்கியங்களை நினைவு கூர்ந்து, அவை எவ்வாறு ஆகுபெயர்களாகச் செயல்படுகின்றன என்பதைக் கவனிப்பது புரிதலை மேம்படுத்தும்.

Question 2. பட்டப்பெயர்கள் ஆகுபெயர்கள் ஆகுமா? எடுத்துக்காட்டுகளுடன் விளக்கு.
Answer: பட்டப்பெயர்கள் ஆகு பெயராகும். பட்டப்பெயர்கள் சில சமயங்களில் ஒருவரின் பண்பு அல்லது செயலால் வரும். அதைப் பெயராகக் குறிப்பிடாமல், அந்தப் பண்பையே பெயராகப் பயன்படுத்துவோம்.
சான்று:
வாயாடி வந்தாள் - இதில் குறிப்பிட்ட பெண்ணின் பெயரைச் சொல்லிக் கூறாமல், அவள் ஓயாது பேசும் இயல்பை பெயராக்கி "வாயாடி" என்று பட்டப்பெயருடன் கூறுகிறோம். "பேசுதல்" (வாயாடுதல்) என்னும் காரியத்திற்கு ஆகி வருகிறதல்லவா.
கலாரசிகன் வந்துவிட்டான் - இத்தொடரில் "கலா ரசிகன்" என்னும் பட்டப்பெயர் அவன் கலைகளை விரும்பிப் பார்க்கும் கேட்கும் செயல்களுக்கு ஆகி வருவதால், பட்டப்பெயர்களும் ஆகு பெயர் ஆகும்.
In simple words: ஆம், பட்டப்பெயர்களும் ஆகுபெயர்கள்தான். ஒருவரின் செயலைக் குறிக்கும் ஒரு சொல் அவருக்குப் பெயராக வருவதை இது குறிக்கிறது. உதாரணமாக, அதிகம் பேசும் ஒருவரை "வாயாடி" என்று அழைப்பது போல.

🎯 Exam Tip: ஒரு பட்டப்பெயர் ஒரு நபரின் இயல்பைக் குறிக்கிறதா அல்லது அவர் செய்யும் ஒரு செயலைக் குறிக்கிறதா என்பதைக் கண்டறிவது ஆகுபெயர் வகையை அடையாளம் காண உதவும்.

மொழியை ஆள்வோம்

படித்துச் சுவைக்க.
Answer:
எல்லார்க்கும் பெய்யும் மழை
ஏந்திக்கொள்கிறார்கள் சிலர் வரமாக
ஏற்றுக்கொள்கிறார்கள் சிலர்
வேறு வழியின்றி ஒதுங்கிக்கொள்கிறார்கள் சிலர்
ஒத்துக்கொள்ளாதெனப் பாறையில் விழுந்து
பயன்படாமலே போகின்றன சில துளிகள்
சாக்கடையில் விழுந்து சங்கமமாகின்றன சில
ஆனாலும் எப்போதும்போல இன்னமும்
எல்லோருக்குமாகப் பெய்துகொண்டுதான் இருக்கிறது மழை!
காலை
ஒவ்வொரு முறையும்
காவிரி ஆற்றைக் கடந்து செல்கையில்
நீந்திக் களித்த நாட்கள்
நினைவுக்கு வந்தன!
குளித்து மகிழ்ந்த ஆற்றை
குழந்தையிடம் காட்டிய போது
அவள் கேட்டாள். . .
"எப்படி அம்மா. . .
மணலில் நீந்திக் குளித்தாய்?"
In simple words: முதல் கவிதை மழை எப்படிப் பெய்கிறது, அதை மக்கள் எப்படி ஏற்றுக்கொள்கிறார்கள் என்று சொல்கிறது. இரண்டாவது கவிதை ஒரு தாயும் குழந்தையும் காவிரி ஆற்றைப் பற்றிப் பேசும்போது, தாய் தன் சிறுவயது நினைவுகளைப் பகிர்ந்து கொள்கிறாள்.

🎯 Exam Tip: கவிதைகளைப் படிக்கும்போது, ஒவ்வொரு வரியிலும் உள்ள உணர்வுகளையும், அவை எதைக் குறிக்கின்றன என்பதையும் புரிந்துகொள்வது முக்கியம்.

மொழிபெயர்க்க.
Answer:
Conversation between two friends meeting by chance at a mall.
Aruna : Hi! Vanmathi! It's great to see you after a long time.
Vanmathi: It's great seeing you. How long has it been? It must be more than 6 months. I'm doing good. How about you?
Aruna: Fine. I have come with my parents. They are inside the grocery shop. What about you?
Vanmathi: I came with my father. He has gone to buy tickets for a 3D movie.
Aruna: Which movie?
Vanmathi: Welcome to the jungle.
Aruna : Great! I am going to ask my parents to take me to that movie.

இரண்டு தோழிகள் வணிகவளாகத்தில் சந்திக்க வாய்ப்பு கிடைத்தபோது நடந்த உரையாடல்.
அருணா : வான்மதி, என்ன ஒரு ஆச்சர்யம் நீண்ட நாட்களுக்குப்பின் உன்னைப் பார்க்கிறேன், மகிழ்ச்சி.
வான்மதி : எனக்கும் மகிழ்ச்சியும், ஆச்சர்யமும் தான்! உன்னைப் பார்த்து எவ்வளவு காலம் ஆகிவிட்டது. ஆறு மாதங்களுக்கும் மேலாகிவிட்டது. நான் நன்றாக இருக்கிறேன் நீ எப்படி இருக்கிறாய்.
அருணா : நான் என் பெற்றோருடன் வந்தேன். அவர்கள் வீட்டிற்குத் தேவையான பொருட்கள் உள்ள பிரிவில் உள்ளார்கள். நீ..?
வான்மதி : நான் என் தந்தையுடன் வந்தேன் இவ்வளாகத்தில் நடைபெறும் முப்பரிமாண (3D) திரைப்படத்திற்கு அனுமதி சீட்டு வாங்க சென்றிருக்கிறார்.
அருணா : என்ன படம்?
வான்மதி : காட்டுக்குள் வரவேற்பு
அருணா : ஓ... நானும் என் பெற்றோரிடம் அந்தப் படத்திற்கு அழைத்துச் செல்லுங்கள் என்று கேட்க போகின்றேன்.
In simple words: இரு நண்பர்கள் எதிர்பாராத விதமாக ஒரு வணிகவளாகத்தில் சந்திக்கிறார்கள். அவர்கள் நீண்ட காலத்திற்குப் பிறகு சந்திக்கும் மகிழ்ச்சியையும், ஒருவருக்கொருவர் எப்படி இருக்கிறார்கள் என்பதையும், அவர்கள் எதற்காக வணிகவளாகத்திற்கு வந்தார்கள் என்பதையும் பேசுகிறார்கள்.

🎯 Exam Tip: மொழிபெயர்க்கும்போது, வார்த்தைக்கு வார்த்தை மொழிபெயர்க்காமல், முழு வாக்கியத்தின் பொருளும் உணர்வும் சரியாக வர வேண்டும்.

பொருத்தமான இடங்களில் அடைமொழியிட்டு, சொற்றொடரை விரிவாக்குக.

Quesiton 1. புத்தகம் படிக்கலாம் (நல்ல, ஆழ்ந்து, நாளும், தேர்ந்து, மகிழ்ந்து, உணர்ந்து)
Answer:
அ) நல்ல புத்தகங்கள் படிக்கலாம்.
ஆ) நல்ல புத்தகத்தில் ஆழ்ந்த கருத்துகளைப் படிக்கலாம்.
இ) நாளும் நல்ல புத்தகம் படிக்கலாம்.
ஈ) நல்ல புத்தகங்களைத் தேர்ந்து எடுத்து படிக்கலாம்.
உ) நல்ல புத்தகங்களை நாளும் மகிழ்ந்து, உணர்ந்து படிக்கலாம்.
In simple words: இந்தப் பதில்கள் "புத்தகம் படிக்கலாம்" என்ற வாக்கியத்தை, "நல்ல", "ஆழ்ந்து", "நாளும்", "தேர்ந்து", "மகிழ்ந்து", "உணர்ந்து" போன்ற பொருத்தமான அடைமொழிகளைச் சேர்த்து விரிவாக்குகிறது.

🎯 Exam Tip: அடைமொழிகளைப் பயன்படுத்தும்போது, அவை வாக்கியத்தின் பொருளை மேம்படுத்தி, கூடுதல் தகவலைச் சேர்க்கிறதா என்பதை உறுதிப்படுத்திக் கொள்ளுங்கள்.

Question 2. விளையாடுவது நன்று (ஓடியாடி, மானசீகமாக, சேர்ந்து, திடலில், அனைவருடன்)
Answer:
அ) மாலையில் அனைவருடன் சேர்ந்து விளையாடுவது நன்று.
ஆ) மாலையில் திடலில் ஓடியாடி விளையாடுவது நன்று.
In simple words: இந்த பதில்கள் "விளையாடுவது நன்று" என்ற வாக்கியத்தை "அனைவருடன் சேர்ந்து" மற்றும் "திடலில் ஓடியாடி" போன்ற அடைமொழிகளைச் சேர்த்து விரிவாக்குகிறது, விளையாட்டின் முக்கியத்துவத்தை வலியுறுத்துகிறது.

🎯 Exam Tip: ஒரு வாக்கியத்தை விரிவாக்கும்போது, கொடுக்கப்பட்ட அடைமொழிகள் வாக்கியத்தின் பொருளை எப்படி மாற்றும் என்பதை முதலில் சிந்திக்க வேண்டும்.

பிழை நீக்குக.
Answer: பெருந்தலைவர் காமராசர் பள்ளிப்படிப்பை நிறைவு செய்யவில்லை என்றாலும் தமிழிலும் ஆங்கிலத்திலும் புத்தகங்கள் படிக்கும் அளவுக்கு புலமைகள் பெற்றிருந்தது பலருக்குத் தெரியாது. ஆங்கிலச்செய்தி இதழ்களை நாள்தோறும் படித்தது. எப்போது அறையைவிட்டு வெளியே போனாலும் மின்விசிறியை நிறுத்த மறப்பதில்லை. வெளியூருக்குச் செல்லும்போது தம்முடைய துணிமணிகளைத் தாமே எடுத்து வைத்துக் கொள்வார்.
In simple words: இந்தப் பகுதி பெருந்தலைவர் காமராசரின் பண்புகளைப் பற்றிப் பேசுகிறது. அவர் அதிகம் படிக்காதவர் என்றாலும், தமிழ் மற்றும் ஆங்கில புத்தகங்களைப் படிப்பதில் சிறந்தவர். அவர் தினசரி செய்தித்தாள்களைப் படிக்கும் பழக்கம் கொண்டவர். மேலும், அவர் மின்விசிறியை அணைக்கவும், வெளியூருக்குச் செல்லும்போது தனது உடைகளை எடுத்துச் செல்லவும் மறப்பதில்லை.

🎯 Exam Tip: ஒரு பத்தியில் பிழைகளை நீக்கும்போது, இலக்கணப் பிழைகள், உச்சரிப்புப் பிழைகள் மற்றும் வாக்கிய அமைப்பைப் பற்றிக் கவனமாக இருக்க வேண்டும்.

கீழ்க்காணும் பத்தியில் உள்ள ஆகுபெயர்களை அட்டவணைப்படுத்துக.
Answer:

🎯 Exam Tip: ஆகுபெயர்களை அடையாளம் காணும்போது, சொல்லின் நேரடிப் பொருளுக்கும் அது குறிக்கும் மறைமுகப் பொருளுக்கும் இடையிலான தொடர்பை கவனிக்க வேண்டும். ஒவ்வொரு வகை ஆகுபெயருக்கும் ஒரு எடுத்துக்காட்டு நினைவில் வைத்திருப்பது எளிதாகும்.

பயண அனுபவங்களை விவரிக்கு

Question 1. 'எனது பயணம்' என்னும் தலைப்பில் உங்களது அனுபவங்களை எழுதுக.
Answer: இந்த ஆண்டு நான் பயணம் மேற்கொண்ட இடம் வயநாடு ஆகும். கேரளாவின் வற்றாத அழகு கொட்டிக்கிடக்கும் பகுதி இது. எங்கு திரும்பினும் பச்சைப் பசேல் தான். கடல் மட்டத்தில் இருந்து 700 முதல் 2100 மீட்டர் உயரத்தில் அமைந்த பகுதி இது. இயற்கை அன்னை ஆட்சி செய்யும் வனப்பு மிக்க பகுதி.
வயநாடு மாவட்டத்தில் கல்பெற்றா, மானந்தவாடி, வைத்திரி ஆகிய இடங்கள் முக்கியமானவை. இவ்விடங்களில் விலங்குகளின் சரணாலயங்கள் உண்டு. துள்ளித் திரியும் மான் கூட்டம், கூட்டம் கூட்டமாய் செல்லும் யானைகள், எங்கோ கேட்கும் பறவைகள் கரையும் ஓசை என மனதுக்கு இன்பம் தரும் இடம் ஆகும்.
கல்பெற்றாவில் இருந்து சிறிது தூரம் சென்றால் செம்ப்ரா மலை முகடு உள்ளது. இது வயநாட்டின் உயரமான மலை உச்சியாகும். மலை ஏற்றத்துக்கு சிறந்த இடமாகும். கல்பெற்றாவில் இருந்து 15 கல் தொலைவில் கரலாட் ஏரி உள்ளது. இங்கு படகு சவாரி செய்து கொண்டு ஏரியில் தூண்டில் போட்டு மீன் பிடித்து நாங்கள் குழந்தைகளாகி மகிழ்ந்தோம். வயநாட்டின் அழகுக்கு அழகு சேர்க்கும் அருவிகள் பல உண்டு. அவற்றுள் சிப்பாரா அருவி மிகப் புகழ் பெற்றது.
100 அடி முதல் 300 அடி உயரத்தில் இருந்து வரிசைத் தொடராகக் கொட்டிக் கொண்டிருக்கும் அருவிகள் கண்களையும், கருத்தையும் கொள்ளை கொள்கின்றன. அருவியின் தடாகத்தில் நீந்தி மகிழ்ந்து புத்துணர்வு பெற்றோம். இங்கு அபூர்வ மூலிகைகள், தங்குவதற்கு மரவீடுகள், இரவில் மிரளச் செய்யும் விலங்குகள் கூட்டம் என நம்மை இன்னொரு உலகுக்கு அழைத்துச் செல்லும். நீங்களும் ஒரு முறை சென்று வரலாமே.
"இயற்கை ஆட்சி செய்யும் இவ்விடம் அனைவருக்கும் பிடிக்கும்".
In simple words: இந்த ஆண்டு நான் வயநாடு சென்றேன். அது பசுமையான, அழகான இடம். அங்கு மான், யானை போன்ற விலங்குகள் அதிகம் இருந்தன. செம்ப்ரா மலையில் ஏறி, கரலாட் ஏரியில் படகு சவாரி செய்தோம். சிப்பாரா அருவி மிகவும் அழகாக இருந்தது. இந்த இடங்கள் எனக்கு மிகவும் பிடித்திருந்தன.

🎯 Exam Tip: பயண அனுபவங்களை விவரிக்கும்போது, முக்கியமான இடங்கள், அங்கிருந்த இயற்கை காட்சிகள், அங்கு செய்த செயல்கள் மற்றும் அதனால் கிடைத்த உணர்வுகள் ஆகியவற்றைத் தெளிவாகக் குறிப்பிட வேண்டும்.

நயம் பாராட்டுக.
Answer:
முன்னுரை:
தமிழில் எண்ணற்ற இலக்கியங்கள் உள்ளன. அவை கற்போரின் மனத்தைப் பெரிதும் கவர வல்லன. அந்த வகையில் வாணிதாசன் பாடல் ஒன்றிற்கு அமைந்துள்ள இலக்கிய நயங்களைக் காண்போம்.

திரண்ட கருத்து:
வளைந்து செல்லும் கால்வாய்கள் மூலம் வயல்வெளியில் புகுந்தாய் மணிபோன்ற கதிர்களை விளையச் செய்தாய். அருகில் உள்ள ஓடைகள் குளங்களை நிறைத்தாய். தாமரை கொட்டி, ஆம்பல் மலர்களின் இதழ்களை விரியச்செய்தாய். சிவந்த கண்களையுடைய கருமையுடைய வரால், வாளை மீன்கள் கரையில் ஓங்கி வளர்ந்த தென்னையில் பாய்ந்து விளையாடுகின்ற நீர் நிறைந்த பெருங்குளங்கள் நிலமெங்கும் நிறையச் செய்து, நிலத்தில் ஒரு வானம் இருப்பதுபோல தோன்றச் செய்கிறாய்.

மையக்கருத்து:
ஆறு, கால்வாய்கள் நீர்நிலைகளை நிரப்பி, நிலத்தைச் செழிக்க செய்வதோடு நிலத்தில் நிறைந்திருக்கும் நீரிலே வானம் தெரிவதால் பெயரிடைப்பட்ட வானெனத் தோன்றும் என்று இயற்கை வளங்களை மையமாக வைத்துப் பாடியுள்ளார் வாணிதாசன்.

எதுகை:
செய்யுளில், அடியிலோ, சீரிலோ, இரண்டாவது எழுத்து ஒன்றி வரத் தொடுப்பது எதுகை ஆகும்.
சான்று:
வயலிடை
அயலுள்
கயலிடை
பெயரிடை

மோனை:
செய்யுளில் அடியிலோ சீரிலோ முதல் எழுத்து ஒன்றி வரத் தொடுப்பது மோனை ஆகும்.
சான்று:
வயலிடை – வளைந்து
அயலுள் – ஆம்பல்
பெயரிடை- பெருங்குளம்

இயைபு:
செய்யுளில் அடிதோறும் இறுதி எழுத்தோ, சொல்லோ இயைந்து வருவது இயைபுத்தொடை ஆகும்.
சான்று:
விளைத்தாய் – விரித்தாய்

அணிநயம்:
செய்யுளின் அழகுக்குச் சேர்ப்பது அணியே ஆகும். அணி இல்லாத பாடல் அழகில்லா மங்கை போலும். பெயரிடைப்பட்ட வானெனத் தோன்றும் என்னும் அடியில் உவமை அணி அமைந்து இச்செய்யுளின் அழகுக்கு அழகு சேர்த்துள்ளது.

சுவை நயம்:
இப்பாடலைப் படிக்கப் படிக்க, மனத்தில் மகிழ்வு உண்டாவதால் "உவகைச் சுவை" அமைந்துள்ளது.

முடிவுரை:
வாணிதாசன் இயற்கைப் புனைவுகளைப் பாடுவதில் வல்லவர். அவரது கவித்திறனுக்கு இப்பாடல் சான்றாக அமைவதோடு, அனைத்து நயங்களையும் பெற்று ஒளிர்கிறது.
In simple words: வாணிதாசனின் இந்தக் கவிதை, ஆறு மற்றும் கால்வாய்கள் எப்படி வயல்களை வளமாக்கி, குளங்களை நிரப்புகின்றன என்று விளக்குகிறது. கவிதையில் எதுகை, மோனை, இயைபு போன்ற நயங்கள் உள்ளன. இது உவமை அணியைப் பயன்படுத்தி, இயற்கையின் அழகை மனதிற்கு மகிழ்வூட்டும் வகையில் விவரிக்கிறது.

🎯 Exam Tip: நயம் பாராட்டும்போது, பாடலின் பொருள், மையக்கருத்து, எதுகை, மோனை, இயைபு, அணிநயம் மற்றும் சுவைநயம் போன்ற பகுதிகளைத் தெளிவாகப் பிரித்து எழுதினால் முழு மதிப்பெண் பெறலாம்.

மொழியோடு விளையாடு

Question 1. புதிர் அவிழ்க்க.
நான்கெழுத்துக்காரன்;
முதல் இரண்டும் அம்மாவில்
"மா"வைத் தொலைத்து நிற்கும்;
அடுத்த எழுத்தைச் சேர்த்தால்
வில்லின் துணைவன்;
கடை இரண்டும்
கணக்கில் 'இது' என்பர்.!
முழுதாய்ப் பார்த்தால்
மேகத்திடை தெரிவான்!
அவன் யார்?
Answer: அம்புலி
In simple words: இந்த புதிர் "அம்புலி" (நிலவு) என்பதைக் குறிக்கிறது. நான்கு எழுத்து, முதல் இரண்டும் "அம்மா"வில் "மா"வை நீக்கினால் "அப்" வரும். அடுத்த எழுத்து சேர்த்தால் "அம்பு". கடை இரண்டும் "புலி" (கணக்கில் ஒரு சொல்). முழுமையாகப் பார்த்தால், வானத்தில் (மேகத்திடை) தெரியும்.

🎯 Exam Tip: புதிர்களை அவிழ்க்கும்போது, ஒவ்வொரு வரியையும் கவனமாகப் படித்து, கொடுக்கப்பட்டுள்ள குறிப்புகளைப் பயன்படுத்தி சரியான பதிலை ஊகிக்க வேண்டும்.

Question 2. பண்புத்தொகைகளை இட்டு நிறைவு செய்க.
(இன்னோசை, பேரொளி, சிற்றோடை, பேரின்பம், பைங்கிளி, பேரூர், செந்தாமரை]
மானாமதுரை ஒரு அழகான ___________.
__________ களும் நிறைந்த அவ்ஊரின் நடுவே வானுயர்ந்த
கோபுரத்துடன் கூடிய கோவில் குளத்தில் எங்கும்
__________ பூக்கள் மலர்ந்துள்ளன. கதிரவனின்
வீசிட சோலைப் __________.
கேட்போரைப் __________ அடையச் செய்கிறது.
Answer:
(இன்னோசை, பேரொளி, சிற்றோடை, பேரின்பம், பைங்கிளி, பேரூர், செந்தாமரை]
மானாமதுரை ஒரு அழகான பேரூர்.
சிற்றோடைகளும் நிறைந்த அவ்ஊரின் நடுவே வானுயர்ந்த
கோபுரத்துடன் கூடிய கோவில் குளத்தில் எங்கும் செந்தாமரைப்
பூக்கள் மலர்ந்துள்ளன. கதிரவனின் பேரொளி வீசிட சோலைப் பைங்கிளிகளைக் இன்னோசை கேட்போரைப் பேரின்பம் அடையச் செய்கிறது.
In simple words: கொடுக்கப்பட்ட பண்புத்தொகைகளைப் பயன்படுத்தி, மானாமதுரை பற்றிய பத்தியின் காலி இடங்கள் நிரப்பப்பட்டுள்ளன. இது ஒரு பெரிய ஊர், சிறிய ஓடைகள், தாமரைப் பூக்கள், பிரகாசமான ஒளி, பசுமையான கிளிகள் மற்றும் இனிமையான ஒலிகளைக் கொண்டு இனிமையைத் தருகிறது என்று விவரிக்கப்பட்டுள்ளது.

🎯 Exam Tip: பண்புத்தொகைகளைப் பயன்படுத்தும்போது, வாக்கியத்தின் பொருள் மற்றும் சூழலுக்குப் பொருத்தமான சொல்லைத் தேர்ந்தெடுப்பது முக்கியம். ஒவ்வொரு காலி இடத்திற்கும் சரியான பொருளைக் கொடுக்கும் சொல்லைக் கண்டறிய முயற்சிக்கவும்.

வட்டத்திற்குள் உள்ள எழுத்துகளைக் கொண்டு சொற்களை உருவாக்குக.
Answer:

🎯 Exam Tip: எழுத்துகளைக் கொண்டு சொற்களை உருவாக்கும்போது, முதலில் இரண்டு அல்லது மூன்று எழுத்துச் சொற்களை உருவாக்கி, பின்னர் பெரிய சொற்களை உருவாக்க முயற்சிக்கலாம்.

Question 3. காட்சியைக் கண்டு கவினுறு எழுதுக.
Answer: கொடுக்கப்பட்டுள்ள படம் இந்தியாவின் கலை மற்றும் கலாச்சார செழிப்பைக் காட்டுகிறது. இந்தப் படத்தில் மலைகள் (குறிஞ்சி), காடுகள் (முல்லை), வளமான வயல்வெளிகள் (மருதம்), கடற்கரைகள் (நெய்தல்) மற்றும் பாலைவனங்கள் (பாலை) போன்ற இந்தியாவின் பல்வேறு நிலப்பரப்புகள் காட்டப்பட்டுள்ளன. பாரம்பரிய நடனங்கள், இசைக் கருவிகள், மற்றும் நிலத்தின் இயற்கை அழகு ஆகியவை சிறப்பாகக் காட்டப்பட்டுள்ளன. சிறிய மண்பானைகள் முதல் பெரிய கோயில்கள் வரையிலான செழுமையான கலைப் பாரம்பரியமும் இதிலே உள்ளது. இந்த படம் மக்கள் தமிழ் கலாச்சாரத்தை மறக்காமல் இருக்க வேண்டும் என்பதை நினைவூட்டுகிறது. இந்த படம் இந்தியாவின் பெருமையையும், பன்முகத்தன்மையையும் தெளிவாக விளக்குகிறது.
In simple words: இந்த படம் இந்தியாவின் நிலப்பரப்புகள், நடனங்கள், இசை, கலை மற்றும் இயற்கை அழகு போன்றவற்றை காட்டுகிறது. தமிழ் கலாச்சாரத்தை மறக்காமல் இருக்க வேண்டும் என்பதை படம் நமக்கு சொல்கிறது.

🎯 Exam Tip: ஒரு காட்சியை விவரிக்கும்போது, அதில் உள்ள முக்கிய கூறுகளை தெளிவாக அடையாளம் கண்டு, அவற்றை விளக்கமான மொழியில் எழுத வேண்டும். படம் எதைப் பற்றி பேசுகிறது என்பதையும் சேர்க்கலாம்.

Question. ஒரு வாரத்திற்குத் தேவையான உணவுப் பொருள்களின் வரவு செலவு பட்டியலை உருவாக்குக.
Answer: ஒரு வாரத்திற்குத் தேவையான உணவுப்பொருட்களுக்கான வரவு செலவு பட்டியல் கீழே கொடுக்கப்பட்டுள்ளது. இந்த வாரத்திற்கான வரவு Rs. 2000 ஆகும்.

மொத்த செலவு Rs. 1245.00. வாரத்திற்கான வரவு Rs. 2000.00. இதில் செலவு செய்தது Rs. 1245.00. மீதமுள்ள தொகை Rs. 755.00 ஆகும். இந்த பட்டியல் உணவுப் பொருட்கள் மற்றும் வீட்டு உபயோகப் பொருட்களின் வாராந்திர கணக்கைப் பற்றிய ஒரு திட்டமாகும்.
In simple words: இந்த பட்டியல் ஒரு வாரத்திற்குத் தேவையான உணவுப் பொருட்கள் மற்றும் வீட்டு செலவுகளின் கணக்கை காட்டுகிறது. மொத்தமாக எவ்வளவு பணம் செலவானது, எவ்வளவு பணம் மீதம் உள்ளது என்பதையும் காட்டுகிறது.

🎯 Exam Tip: வரவு-செலவு பட்டியல் தயாரிக்கும்போது, அனைத்து பொருட்களையும் தெளிவாக பட்டியலிட்டு, அவற்றின் விலை மற்றும் அளவுகளை சரியாகக் குறிப்பிடுவது அவசியம். மொத்த வரவு, மொத்த செலவு, மற்றும் மீதத் தொகை ஆகியவற்றை மறக்காமல் கணக்கிட வேண்டும்.

அகராதியில் காண்க.

Question. ஈகை, குறும்பு, கோன், புகல், மொய்ம்பு ஆகிய சொற்களின் பொருள் காண்க.
Answer: அகராதி என்பது ஒரு மொழியின் சொற்களின் அர்த்தங்களை விளக்கும் ஒரு புத்தகமாகும். சொல் – பொருள்
ஈகை - கொடை, பொன், கற்பகமரம், காடை, காற்று, மேகம், கொடுத்தல்.
குறும்பு - குறுநில மன்னர், பாலை நில ஊர், பகைவர், குறும்புத்தனம்.
கோன் - அரசன், தலைவன் இடையர்பட்டப் பெயர்.
புகல் - புகுகை, தஞ்சம், செல், விருப்பம், வெற்றி, புகழ், போக்கு.
மொய்ம்பு - தோள், வலிமை.
In simple words: இங்கு கொடுக்கப்பட்டுள்ள ஒவ்வொரு தமிழ் சொல்லுக்கும் பல அர்த்தங்கள் உள்ளன. அகராதியைப் பார்த்து, ஒரு சொல்லின் பலவிதமான பொருட்களை நாம் தெரிந்துகொள்ளலாம்.

🎯 Exam Tip: அகராதியில் இருந்து பொருள் எழுதும்போது, ஒரு சொல்லுக்கு பல பொருள்கள் இருந்தால், சூழலுக்கு ஏற்ற பொருளைக் கண்டறிந்து எழுதுவது முக்கியம். தொடர்புடைய அனைத்து பொருள்களையும் கொடுத்தால் நல்லது.

நிற்க அதற்குத் தக...

Answer: சமூகத்தில் நாம் பொறுப்புடன் நடந்து கொள்வது மிகவும் அவசியம். அ) குப்பைகளைக் குப்பைத் தொட்டியில் போட வேண்டும்.
ஆ) தண்ணீர் வீணாவதை எங்கு கண்டாலும் தடுப்பேன்.
இ) என்னால் முடிந்த உதவிகளைப் பிறருக்குச் செய்வேன்.
In simple words: நாம் குப்பையை குப்பைத் தொட்டியில்தான் போட வேண்டும். தண்ணீரை வீணாக்காமல் பாதுகாக்க வேண்டும். முடிந்த அளவு மற்றவர்களுக்கு உதவ வேண்டும்.

🎯 Exam Tip: சமூக பொறுப்புகள் குறித்து எழுதும்போது, எளிய மற்றும் நேரடியான கருத்துக்களை, உதாரணங்களுடன் குறிப்பிடுவது சிறப்பாகும். தனிப்பட்ட செயல்களையும், சமூக நலனையும் இணைத்துப் பேசலாம்.

சமூகத்திற்கு எனது பணிகள்

Question. சமூகத்திற்கு உங்களது பணிகள் யாவை?
Answer: ஒவ்வொருவரும் இந்த கடமைகளைச் செய்யும் போது சமூகம் சிறப்பாக இருக்கும். அ) குப்பைகளைக் குப்பைத் தொட்டியில் போட வேண்டும்.
ஆ) தண்ணீர் வீணாவதை எங்கு கண்டாலும் தடுப்பேன்.
இ) என்னால் முடிந்த உதவிகளைப் பிறருக்குச் செய்வேன்.
ஈ) மழைநீர் சேகரிப்பின் இன்றியமையாமையை வலியுறுத்துவேன்.
உ) பெண்கல்வியின் முக்கியத்துவத்தை உணர்த்துவேன்.
ஊ) இயற்கையைப் பேணிப் பாதுகாக்க மரங்களை நடுவேன்.
எ) சாலை விதிகளைப் பின்பற்றுவேன். பிறரையும் பின்பற்ற செய்வேன்.
ஏ) நம் கலைகளையும் பண்பாட்டையும் பேணிக்காக்க என்னால் இயன்றதைச் செய்வேன்.
In simple words: சமூகத்திற்கு நாம் செய்ய வேண்டிய வேலைகள் பல உள்ளன. குப்பைகளை சரிவர போடுவது, தண்ணீரை சேமிப்பது, மரங்களை நடுவது, விதிகளைப் பின்பற்றுவது போன்றவை இதில் அடங்கும்.

🎯 Exam Tip: சமூக கடமைகள் பற்றி எழுதும்போது, பலதரப்பட்ட விஷயங்களையும் (சுற்றுச்சூழல், கல்வி, ஒழுக்கம், கலாச்சாரம்) உள்ளடக்கி, தெளிவான மற்றும் சுருக்கமான வாக்கியங்களில் பட்டியலிடுவது அதிக மதிப்பெண்களைப் பெற உதவும்.

கலைச்சொல் அறிவோம்

Answer:
இந்திய தேசிய இராணுவம் – Indian National Army
பண்டமாற்றுமுறை – Commodity Exchange
காய்கறி வடிசாறு - Vegetable Soup
செவ்வியல் இலக்கியம் – Classical Literature
கரும்புச் சாறு – Sugarcane Juice
In simple words: இந்த பட்டியல் தமிழில் உள்ள சில கலைச் சொற்களையும், அவற்றின் ஆங்கில அர்த்தங்களையும் காட்டுகிறது. இது புதிய சொற்களை கற்க உதவுகிறது.

🎯 Exam Tip: கலைச்சொற்கள் மற்றும் அவற்றின் ஆங்கில அர்த்தங்களை சரியான எழுத்துப்பிழையுடன் மனப்பாடம் செய்வது மொழித் திறனை வளர்க்க உதவும்.

பாடநூல் வினாக்கள்

சிறுவினா

Question 1. தற்குறிப்பேற்ற அணியைச் சான்றுடன் விளக்குக.
Answer:
**அணி விளக்கம்:** தற்குறிப்பேற்ற அணி என்பது, ஒரு சாதாரண நிகழ்வின் மீது கவிஞர் தன்னுடைய சொந்தக் கருத்தை அல்லது உணர்வைச் சேர்த்துச் சொல்வது ஆகும். (தன் + குறிப்பு + ஏற்றம் + அணி).
**உதாரணம்:** சேற்று நிலத்தில் உள்ள செந்தாமரை மலர்கள் மலர்ந்தன. அப்போது வெள்ளம் வந்துவிட்டது என்று பயந்து, நீர்ப்பறவைகள் தங்கள் சிறகுகளை வைத்து குஞ்சுகளை மூடிக்கொண்டன.
**விளக்கம்:** இங்கு தாமரை மலர் மலர்வது ஒரு சாதாரண நிகழ்வு. ஆனால், கவிஞர், நீர்ப்பறவைகள் வெள்ளம் வந்ததாகப் பயந்து, தங்கள் குஞ்சுகளைப் பாதுகாப்பதாகச் சொல்கிறார். இது கவிஞரின் குறிப்பு ஏற்றப்பட்டது. ஒரு நிகழ்வை மேலும் அழகாகக் காட்ட இந்த அணி உதவுகிறது.
In simple words: ஒரு கவிஞர் ஒரு சாதாரண விஷயத்தைப் பற்றி பேசும்போது, அதற்குத் தனது சொந்த கற்பனையையும், உணர்வையும் சேர்த்துச் சொல்வது தற்குறிப்பேற்ற அணி ஆகும்.

🎯 Exam Tip: தற்குறிப்பேற்ற அணிக்கு உதாரணம் எழுதும்போது, இயல்பான நிகழ்ச்சி எது, கவிஞர் ஏற்றிய குறிப்பு எது என்பதை தெளிவாகக் குறிப்பிட வேண்டும். அணி விளக்கத்தையும், பொரு பொருத்தத்தையும் மறக்காமல் கொடுக்கவும்.

Question 2. பண்பாகு பெயர், தொழிலாகுபெயர் – விளக்குக.
Answer:
**பண்பாகு பெயர்:** ஒரு பொருளின் குணத்தை (நிறம், வடிவம் போன்றவை)க் குறிக்கும் சொல், அந்தப் பொருளுக்கு பதிலாக அதனுடன் தொடர்புடைய வேறொரு பொருளைக் குறிப்பது பண்பாகு பெயர் ஆகும்.
**உதாரணம்:** 'மஞ்சள் பூசினாள்' - இதில் 'மஞ்சள்' என்பது அதன் நிறத்தைக் குறிக்காமல், மஞ்சள் நிறத்தில் உள்ள கிழங்கைக் (மஞ்சள் கிழங்கு) குறிக்கிறது.
**தொழிலாகு பெயர்:** ஒரு செயலின் பெயரானது, அந்தச் செயலினால் உருவாகும் பொருளைக் குறிப்பது தொழிலாகு பெயர் ஆகும்.
**உதாரணம்:** 'வற்றல் தின்றான்' - இதில் 'வற்றல்' என்பது 'வற்றிய' என்ற தொழிலைக் குறிக்காமல், வற்றிய உணவுப் பொருளைக் (வற்றல் மீன் அல்லது காய்ந்த கறி) குறிக்கிறது. இது ஒரு செயலின் விளைவைக் குறிக்கிறது.
In simple words: பண்பாகு பெயர் என்பது ஒரு பொருளின் குணத்தைக் கொண்டு, அதன் பெயரால் வேறொரு பொருளைக் குறிப்பது. தொழிலாகு பெயர் என்பது ஒரு செயலைக் கொண்டு, அந்தச் செயலால் உருவான பொருளைக் குறிப்பது.

🎯 Exam Tip: பண்பாகு பெயர் மற்றும் தொழிலாகு பெயர் ஆகியவற்றை விளக்கும்போது, தெளிவான உதாரணங்களை கொடுத்து, பெயர் எப்படி ஒரு பொருளைக் குறிக்க வந்தது என்பதை விளக்க வேண்டும்.

கூடுதல் வினாக்கள்

பலவுள் தெரிக

Question 1. கார் அறுத்தான் - எவ்வகை ஆகுபெயர்?
(a) பொருளாகு பெயர்
(b) காலவாகு பெயர்
(c) சினையாகு பெயர்
(d) கருவியாகு பெயர்
Answer: (b) காலவாகு பெயர்
In simple words: 'கார்' என்பது மழைக்காலத்தைக் குறிக்கும். மழைக்காலத்தில் அறுவடை செய்ததால், காலம் சார்ந்த பெயர் 'காலவாகு பெயர்' ஆகும்.

🎯 Exam Tip: ஆகுபெயர்களின் வகைகளை நன்கு புரிந்துகொண்டு, ஒவ்வொரு வகைக்கும் உரிய உதாரணங்களை நினைவில் வைத்துக்கொண்டால், எந்தக் கேள்விக்கும் எளிதில் பதிலளிக்கலாம்.

Question 2. பொருத்தமானவற்றைத் தேர்வு செய்க.
(a) அ-4, ஆ-3, இ-2, ஈ-1
(b) அ-3, ஆ-2, இ-1, ஈ-4
(c) அ-4, ஆ-2, இ-1, ஈ-3
(d) அ-3, ஆ-1, இ-2, ஈ-4
Answer: (a) அ-4, ஆ-3, இ-2, ஈ-1
In simple words: 'வகுப்பறை சிரித்தது' என்பது இடத்தைக் குறிக்கிறது. 'மஞ்சள் பூசினாள்' என்பது நிறத்தைக் குறிக்கிறது. 'பைங்கூழ் வளர்ந்தது' என்பது ஒரு விளைவைக் குறிக்கிறது. 'ஒன்று பெற்றால் ஒளிமயம்' என்பது ஒரு எண்ணிக்கையைக் குறிக்கிறது.

🎯 Exam Tip: பொருத்தமான விடையைத் தேர்ந்தெடுக்கும்போது, ஒவ்வொரு இணையின் பொருத்தத்தையும் தனியாக சரிபார்த்து, பின்னர் சரியான தொகுப்பை தேர்வு செய்ய வேண்டும்.

சிறுவினா

Question 1. ஆகுபெயர் என்றால் என்ன? அதன் வகைகள் எத்தனை?
Answer: ஒரு பொருளின் உண்மையான பெயர், அதனுடன் தொடர்புடைய வேறொரு பொருளுக்குப் பயன்படுத்தப்பட்டு வருவது ஆகுபெயர் எனப்படும். இந்த பெயர் காலங்காலமாகப் பயன்படுத்தப்படுகிறது. தொல்காப்பியர் ஏழு வகையான ஆகுபெயர்களைக் கூறுகிறார், ஆனால் நன்னூலார் பதினைந்து வகையான ஆகுபெயர்களைப் பட்டியலிட்டுள்ளார். ஒரு சொல்லின் பொருள் வேறு ஒரு பொருளைக் குறிக்க மாறி வருவது ஆகுபெயர் ஆகும்.
In simple words: ஒரு பொருளின் பெயரை, அதனுடன் தொடர்புடைய வேறு ஒரு பொருளுக்குப் பயன்படுத்துவது ஆகுபெயர் ஆகும். தொல்காப்பியர் 7 வகைகளையும், நன்னூலார் 15 வகைகளையும் குறிப்பிட்டுள்ளனர்.

🎯 Exam Tip: ஆகுபெயரின் வரையறையை தெளிவாகவும், சுருக்கமாகவும் எழுத வேண்டும். தொல்காப்பியர் மற்றும் நன்னூலார் குறிப்பிட்ட வகைகளின் எண்ணிக்கையை சரியாகக் குறிப்பிட்டால் முழு மதிப்பெண்கள் கிடைக்கும்.