NCERT Class 2 Urdu Shahnai Chapter 13 Hansoon Ka Joda Aur Kachhua PDF Download

سبق 13

ہوائی جہاز

وہ دیکھو! ہوائی جہاز آ رہا ہے
کوئی گیت اڑتے ہوئے گا رہا ہے

نظر آتا ہے دُور سے یوں فضا میں
کوئی چیل اُڑتی ہو جیسے ہوا میں

پرندوں کے مانند پردار ہے
پر اُن سے سوا تیز رفتار ہے

یہاں ہے اگر آج تو کل وہاں ہے
پرندوں میں اس کی سی تیزی کہاں ہے

بہت دُور اُڑتا ہے جب یہ ہوا پر
نظر آتا ہے ایک دھبّا فضا پر

جواں ہو کے ہم بھی چلائیں گے اس کو
خریدیں گے اس کو اُڑائیں گے اس کو

ہواؤں پہ اُڑتے پھریں گے جہاں میں
کبھی اِس زمیں پر کبھی آستماں میں

[تصویر: اختر شیرانی، اپنی درسی کتاب میں دیکھیں]

مشق

پڑھیے اور سمجھیے

سوچیے اور بتائیے

1. ہوائی جہاز کو کس پرندے کی طرح بتایا گیا ہے؟
2. شاعر کو اُڑتے ہوئے ہوائی جہاز کی آواز کیسی لگتی ہے؟
3. بچّے جوان ہو کر ہوائی جہاز کے ساتھ کیا کرنا چاہتے ہیں؟
4. جب آپ ہوائی جہاز دیکھتے ہیں تو آپ کیا سوچتے ہیں، لکھیے؟
5. ہوائی جہاز کا ایندھن الگ ہوتا ہے اور ایسی کون سی گاڑیاں ہیں جو بغیر ایندھن کے چلتی ہیں؟

مناسب لفظوں سے مصرعے مکمل کیجیے

1. کوئی .............................. اڑتے ہوئے گا رہا ہے
2. جواں ہو کے ہم بھی .............................. اس کو
3. .............................. اس کو .............................. اس کو
4. ہواؤں پہ اُڑتے .............................. جہاں میں
5. .............................. اِس .............................. پرکھی .............................. میں

ہم آواز الفاظ کو ملائیے

استاد کا نوٹ

آپ بچوں سے آمد و رفت کے ذرائع پر گفتگو کیجیے۔ ہوائی جہاز نظم کی تصویروں کو توجہ سے دیکھنے اور سمجھنے کے لیے کہا جائے۔ آپ پردار، رفتار لفظوں سے تک بندی کرتے ہوئے نئی نظم لکھوائیں۔

دی ہوئی تصویروں کے بارے میں ایک ایک جملہ لکھیے

[تصویر: دیے گئے پرندے، بادل، ٹرین، جھنڈا، کشتی، ہوائی جہاز اور مچھلی، اپنی درسی کتاب میں دیکھیں]

نیچے دی ہوئی تصویروں میں رنگ بھریے

[تصویر: سائیکل، کار اور ہوائی جہاز کے خاکے، اپنی درسی کتاب میں دیکھیں]

اہم نکات

• ہوائی جہاز فضا میں پرندوں کی طرح اڑتا ہے اور بہت تیز رفتار ہوتا ہے۔
• بچّے بڑے ہو کر ہوائی جہاز خریدنے اور چلانے کی خواہش رکھتے ہیں۔
• نظم میں ہوائی جہاز کا موازنہ چیل اور پرندوں سے کیا گیا ہے۔