NCERT Class 2 Urdu Shahnai Chapter 12 Hawai Jahaz PDF Download

سبق 12: ہنستا کھیلتا خاندان

عابد آج بہت خوش تھا۔ اسے 2 اکتوبر کے دن سوچھ بھارت مہم کے تحت اسکول سے انعام ملا تھا۔ اس کی خوشی میں شریک ہونے کے لیے آج نانی کے گھر پر سب لوگ جمع تھے۔ اس کے ماموں، ممانیاں اور خالائیں اور ان کے بچے بھی۔ عرشی، فرحانہ، ریحان، الیاس سبھی موجود تھے۔ نانی نے عابد کو گلے لگا کر پیار کیا۔ فرحانہ بولی: "نانی نانی! پرنسپل صاحبہ نے عابد کی خوب تعریف کی۔"

[تصویر: مختصر تفصیل، اپنی درسی کتاب میں देखें]

خالہ زاد بہن فرحانہ عابد ہی کے اسکول میں پڑھتی تھی۔ وہ عابد سے دو سال بڑی تھی۔ بولی: "ہر سال ہمارے اسکول میں ہر کلاس کے سب سے ستھره رہنے والے بچے کو انعام ملتا ہے۔ اس بار عابد کو دوسری کلاس میں سب سے صاف بچے کا انعام ملا ہے۔" عابد کی امی بولیں: "میرا بچہ روز نہاد ہوکر اسکول جاتا ہے۔ دومرتہ اپنے دانت صاف کرتا ہے۔ صبح کو بھی اور رات کو بھی۔" نانی بولیں: "ہاں! اپنے ہاتھوں کے ناخن بھی بڑھتے ہی کٹوا لیتا ہے۔ بالوں میں تیل لگا کر کنگھا کرتا ہے۔" عابد بولا: "نانی مجھے ہی نہیں، فرحانہ آپا کو بھی انعام ملا ہے۔ وہ خود بھی صاف ستھری رہتی ہیں اور اپنے آس پاس کی جگہ کو بھی صاف رکھتی ہیں۔ ان کی کلاس سب سے صاف رہتی ہے۔"

[تصویر: مختصر تفصیل، اپنی درسی کتاب میں देखें]

عابد بولا: "ہمارے اسکول میں چھوٹے بچوں کے کھیل کود کے کئی مقابلے ہوئے- دوڑ میں ریحان سب سے آگے رہے۔" نانی بولیں: "ہاں بیٹا! پڑھائی کے بعد اسی طرح کے کھیل کود کرتے رہنا چاہیے۔ اسی سے صحت بنتی ہے۔ کچھ تو موبائل میں گیم کھیل کر سمجھتے ہیں کہ وہ کھیل رہے ہیں۔ ایسا کھیلنا بھی کوئی کھیلنا ہے جس میں کوئی بھاگ دوڑ نہ ہو۔ موبائل دیکھ دیکھ کر آنکھیں تھکا لیتے ہیں اور دماغ بھی۔ میدان میں کھیلنے سے دماغ تازہ ہوتا ہے اور تیز بھی۔" فرحانہ: نانی ہمارے اسکول میں کلچرل پروگرام بھی ہوئے تھے۔ بچوں نے آسامی لباس پہن کر ڈانس بھی کیا- عابد: نانی آسامی تہوار بیہو، بھی ہمارے اسکول میں منایا جاتا ہے۔ نانی: ہاں بچو! ہمیں اپنی روایتی تہذیب کو دوسرے لوگوں کے سامنے پیش کرنا چاہیے۔ سہیل ماموں نے کہا: "چلو بچو! سامنے میدان میں چلتے ہیں۔ تب تک رات کا کھانا بھی تیار ہو جائے گا۔" سب بچے دوڑ کر میدان میں چلے گئے۔

استاد کا نوٹ

آپ اس سبق کو پڑھتے ہوئے عابد اور اس کے خاندان کے تمام رشتوں کو غور سے دیکھیں۔ خاندان کے سبھی لوگ ایک دوسرے سے پیار کرتے ہیں اور اچھی عادتوں کی تعریف کرتے ہیں۔ اپنے گھر میں بھی اپنے بہن بھائیوں کے ساتھ صاف صفائی اور کھیل کود کی اچھی باتیں ضرور دہرائیں۔

مشق

پڑھیے اور سمجھیے

• مہم: بڑا کام، کسی مقصد کے لیے مل جل کر کام کرنا
• انعام: بخشش، کارگزاری کا اچھا صلہ
• تعریف: سراحنا، تحسین کرنا

سوچیے اور بتائیے

1. نانی کے گھر سب لوگ کیوں جمع تھے؟
2. عابد کو کون سا انعام ملا؟
3. عابد کے علاوہ اور کس کو انعام ملا؟
4. نانی نے پڑھائی کے ساتھ کھیل کود کو کیوں ضروری بتایا؟
5. آسام کا مشہور تہوار کون سا ہے؟
6. شمال مشرق کی ریاستیں کون کون سی ہیں؟ معلوم کر کے لکھیے۔

اساتذہ کے لیے ہدایات

• بچوں سے آسام کے بارے میں بات چیت کی جائے اور انھیں یہ بھی سنایا جائے کہ آسام کی پڑوسی ریاستیں کون کون سی ہیں۔
• آسام کے کھانے، لباس اور تہواروں پر بھی گفتگو کی جائے۔

خالی جگہوں میں مناسب لفظ لکھیے

تازہ آسامی گلے جمع تھکا تیز

1. آج نانی کے گھر سب لوگ ........ تھے۔
2. نانی نے عابد کو ........ لگا کر پیار کیا۔
3. میدان میں کھیلنے سے دماغ ........ بھی ہوتا ہے اور ........ بھی۔
4. ........ بچوں نے ........ لباس پہن کر ڈانس بھی کیا تھا۔
5. موبایل دیکھ دیکھ کر آنکھیں ........ لیتے ہیں اور دماغ بھی۔

مثال کے مطابق حصہ 'الف' اور 'ب' کے صحیح جوڑ ملाइए

(الف)	(ب)
انعام	دن
مشکل	گندا
رات	سزا
خوشی	برے
صاف	آسان
اچھے

مثال کے مطابق دیے ہوئے لفظوں سے آخری حرف ہٹا کر نیا لفظ بنائیے

مثل: جگہ — جگ

1. نانی
2. سبزی
3. آگے
4. پڑوسی
5. چالو

کھیل کے فائدے پر چند جملے لکھیے

[تصویر: مختصر تفصیل، اپنی درسی کتاب میں देखें]

پروجیکٹ

آسام کے لباس، رقص، تہوار اور کھانوں کی تصویریں تلاش کیجیے اور ان کے بارے میں کچھ جملے لکھیے۔

آسامی ٹوپی میں رنگ بھریے

[تصویر: مختصر تفصیل، اپنی درسی کتاب میں देखें]

استاد کا نوٹ

آپ جب بھی مشق حل کریں، پہلے دیے گئے الفاظ اور جملوں کو دھیان سے پڑھیں۔ خالی جگہوں میں الفاظ بھرتے وقت جملے کے معنی کو سمجھیں تاکہ درست لفظ چن سکیں۔

اہم نکات

• عابد کو اسکول میں سوچھ بھارت مہم کے تحت صاف ستھرا رہنے پر انعام ملا۔
• نانی کے گھر پر عابد کی خوشی میں شامل ہونے کے لیے پورا خاندان جمع ہوا تھا۔
• میدان میں کھیلنے سے جسم تندرست اور دماغ تازہ اور تیز رہتا ہے۔
• آسام کا مشہور تہوار بیہو ہے اور وہاں کے لباس اور روایات بہت خوبصورت ہیں۔